Maafisa wa mabonde ya maji watakaotumia vibaya fedha za miradi kuchukuliwa hatua

 

Waziri wa Maji na Umwagiliaji Jumaa Aweso.

 

Na Asha Mwakyonde, Dodoma

WAZIRI wa Maji Jumaa  Aweso,amesema atawachukulia hatua baadhi ya Maafisa mabonde ya Maji  ambao watabainika  kutumia vibaya fedha za utekelezaji wa miradi ya Maji.



Waziri Aweso ametoa kauli hiyo jijini Dodoma  wakati wa hafla ya utiliaji Saini baina ya Wizara ya Maji  kupitia idara ya rasilimali za maji hati ya makubaliano na Wakala wa Maji vijijini (RUWASA)kuhusu utaratibu wa utekelezaji wa miradi ya mabwawa ya maji kwenye maeneo yanayoratibiwa na RUWASA .

 

Katika hatua nyingine Waziri Aweso amesema  kuna haja ya Wizara Mtambuka kuungana kwa pamoja na kujenga bwawa katika kurahisisha uvunaji wa maji ya mvua .

 

Kwa Upande wao Mkurugenzi wa Wakala wa Maji na Usafi wa Mazingira Vijini RUWASA Mhandi Clement kivegalo  pamoja na  Mkurugenzi wa  Idara ya rasilimali za maji George Lugomelo wakaeleza mikakati wanayotekeleza katika kuwahudumia wananchi.

 

Pia Waziri Aweso amesema serikali inafanya   mabadiliko makubwa ya kiutendaji ya kuhakikisha kuwa huduma ya upatikanaji wa maji mijini na vijijini inaboreshwa huku akitaka  maadhimisho ya wiki ya Maji ambayo hufanyika Mwezi Machi kuanzia tarehe15 hadi 22 kutumika kuzindua miradi mbalimbali pamoja na kujitathmini katika utendaji kazi wao.