Diamond Platnumz alivyotengeneza mkwanja wa Mil. 195 kwa dakika 30

Msanii wa Bongofleva Nasibu Abdul Juma 'Diamond Platnumz' (32), alilipwa kwa kila dakika moja milioni 1.2 ya Kenya katika show ya mkutano wa mwisho wa Chama cha Azimio la Umoja ambapo alienda kwa ajili ya kumpigia kampeni Mgombea Urais Raila Odinga na alitumia dakika 30 tu.

Msanii huyo alijipatia mamilioni ya pesa katika show hiyo fupi zaidi kuwahi kutokea maishani mwake na baada ya hapo aliondoka na ndege binafsi kurejea nchini Afrika Kusini kwa ajilli ya kusherehekea siku ya kuzaliwa ya binti yake Tiffah.

Vyanzo mbalimbali vya nchini humo vinaeleza kuwa Diamond alilipwa Ksh milioni 10 ambazo ni zaidi ya Tsh milioni 195.85 ambapo alitumia dakika 30 tu kuwepo kwenye uwanja huo wa Kasarani Kenya.

Hata Hivyo, baadhi ya wasanii wa Kenya walionesha kutofurahia kitendo hicho wakiwemo Juliani aliyekerwa alielezea onesho hilo kuwa "la kuchukiza", huku mchekeshaji Eric Omondi alisema ''wasanii wa Kenya ni wavivu".