Viboko shuleni uchangia kumdidimiza mwanafunzi

 

Kamishna wa Elimu Dk. Lyabwene Mtahaba, akizungumza wakati wa kikao cha wadau wa elimu walio kwenye mradi wa utekelezaji wa mradi wa kuendeleza  elimu nchini (TESP) unaofadhiliwa na serikali ya Canada, walipokutana kujadili maendeleo ya mradi huo. 

 Baadhi ya wadau wa elimu wakiwa katika kikao cha kujadili maendeleo ya mradi wa kuendeleza elimu nchini (TESP) unaofadhiliwa na serikali ya Canada.

 

Mwakilishi kutoka ubalozi wa Canada Rasmata Barry, akizungumza wakati wa kikao cha wadau wa elimu katika utekelezaji wa mradi wa kuendeleza  elimu nchini (TESP) unaofadhiliwa na serikali ya Canada, walipokutana kujadili maendeleo ya mradi huo.

Picha ya pamoja.

NA ASHA BANI

SERIKALI imesisitiza kwamba kuwachapa wanafunzi sio mtazamo sahihi wa kumfundisha bali ndio kutamdidimiza zaidi katika masomo kwa kuwa atakua na hofu na mwalimu wa aina hiyo.


Hayo yalielezwa leo Desemba 16, 2022 na Kamishna wa Elimu  Dk. Lyabwene Mtahabwa wakati wa kikao na wadau wa elimu walio kwenye mradi wa utekelezaji wa mradi wa kuendeleza  elimu nchini (TESP)unaofadhiliwa na serikali ya Canada, walipokutana kujadili maendeleo ya mradi huo.


Alisema kuwa watoto wanauelewa tofauti tofauti hivyo walimu wanatakiwa kuwaelewa ,kuacha kutumia vitisho kuacha kuwatolea maneno machafu kwani sio njia sahihi ya kuwafundisha.


"Katika mradi huu unafundisha weledi,walimu kuwa bora zaidi kutokana na mafunzo ya kitaaluma ikizingatiwa sasa teknolojia iko juu hivyo basi hata ukiisha tutauendeleza kwa vitendo Sisi wenyewe,"alisema Dk.Mtahabwa.


Aliongeza kuwa mustakabali wa nchi unaletwa na elimu kuwa bora na ubora wa elimu  ni matokeo ya walimu kuwa bora na ndio kinachofanyika nchini .


Alisema serikali ya Canada kupitia mradi huo imewezesha kufanyika maboresho ya miundombinu ya baadhi ya shule,mafunzo kwa walimu sambamba na masuala ya jenda .


Mratibu wa mradi wa TESP Cosmas Mahenge alisema mradi huo umefadhiliwa kwa dola za Canada milioni 53 kwa kushirikiana na serikali ya Tanzania ili kuendesha mradi huo.


Alisema fedha hizo zimesaidia katika kutoa vyakula kuoni,mafunzo kwa vitendo,kuimarisha  elimu ya ualimu nchini.


"Kununulia vifaa vya TEHAMA na kuunganisha mkongo wa taifa katika vyuo 35,ujenzi wa chuo cha masuala ya jinsia ba ujenzi wa chuo cha elimu cha mfano,"alisema Mahenge.


Mwakilishi kutoka ubalozi wa Canada Rasmata Barry amesema serikali yake ipo bega kwa bega na Tanzania katika suala zima la kuhakikisha elimu inakua bora nchini.