WANASHERIA, WAENDESHA MASHTAKA NA WAPELELEZI WA WIZARA YA MALIASILI NA UTALII NA MAHAKIMU WAPATIWA MAFUNZO JIJINI MWANZA

 

 

 

Mkurugenzi wa Huduma za Sheria wa Wizara ya Maliasili na Utalii, Lucy E Saleko akizungumza kabla ya kuanza kwa   Mafunzo  kwa Washeria,Waendesha mashtaka na wapelelezi walioko chini ya Wizara ya Maliasili na Utalii  Jijini Mwanza.

 

Na John Bera

Wizara ya Maliasili na Utalii kupitia Kitengo cha Huduma za Sheria imeandaa mafunzo kwa Washeria,Waendesha mashtaka na wapelelezi walioko chini ya Wizara hiyo pamoja na Mahakamu ili kuwajengea uwezo kuhusu Sheria za kisekta na Sheria Mtambuka kwa lengo la kupunguza matukio ya ujangili wa mazao ya misitu na wanyamapori kwenye maeneo yaliyohifadhiwa.

Mwanza na Mkurugenzi wa Huduma za Sheria wa Wizara ya Maliasili na Utalii, Bi. Lucy Saleko akizungumza wakati wa ufunguzi wa mafunzo hayo leo jijini amesema kuwa mafunzo hayo yameandaliwa na Kitengo cha Sheria chini ya udhamini wa Mradi wa Kuzuia na Kupambana na ujangili wa wanyamapori na Biashara haramu ya nyara na mazao ya misitu (CPIWT Project), UNDP na Global Environmental Facility (GEF) chini ya ufadhili wa Benki ya Dunia.

“Sisi kama kitengo cha Sheria ambao ndio waratibu wakuu wa mafunzo haya tumekuwa tukipata changamoto hususan kwenye makosa ya ujangili na mifugo kukamatwa kutokana na watu kuingiza hifadhini, mafunzo haya ni muhimu pale mashauri yanapopelekwa mahakamani kuhakikisha ushahidi  unatolewa wa mtu aliyeingiza mifugo hifadhini haukwami. ‘’ Amesisitiza Lucy Saleko.

Amesema kutokana mafunzo hayo,Washeria,Waendesha mashtaka na wapelelezi walioko chini ya Wizara ya Maliasili na Utalii wataongeza ujuzi katika kudhibiti vielelezo vya ushahidi na kukusanya taarifa za ushahidi  wawapo mahakamani.