STARS KUFA AMA KUPONA KWA MKAPA LEO

 Na John Richard Marwa

Timu ya Taifa 'Taifa Stars' leo inashuka dimbani Benjamin Mkapa kumenyana na Timu ya Taifa ya Uganda mchezo wa nne hatua ya makundi kuwania kufuzu Fainal za Mataifa ya Afrika AFCON 2023 Ivory Coast.

Stars wanashuka dimbani kusaka ushindi pekee Ili kuweka matumaini chanya ya kufuzu, ikiwa mchezo wa leo Stars itapata matokeo ya pointi tatu itafikisha pointi saba nafsi ya pili kwenye msimamo ikiziacha Niger na Uganda zikiwa na pointi zao mbili na moja kwa Uganda huku kila timu ikisaliwa na michezo miwili.

Ushindi wa Stars utaifanya kutafuta pointi moja dhidi ya Niger mchezo utakaochezwa Dimba la Benjamin Mkapa kisha kumalizana na Algeria ugenini.

Matokeo ya mchezo uliopita ni silaha tosha kwa Stars kushuka leo wakiwa na matumaini ya kuendeleza ubabe dhidi ya Uganda na kusimika makazi kwenye nafasi ya pili mara baada ya Niger kupoteza mchezo wao hapo jana dhidi ya Algeria.

Mbungi la leo linatarajiwa kutazamwa na watanzani zaidi ya elfu hamsini ikiwa sehemu za mzunguko watanzania wataingia bure kutazama mchezo huo mara baada ya Serikali na taasisi mbalimbali ambazo kwa pamoja wamenunua tiketi hizo kwa ajili watanzania kuingia kuisapoti Stars.