Na John Marwa
Kiungo mshambuliaji wa Klabu ya Simba Willy Essomba Onana amewataka mashabiki kutulia bado mambo mazuri yanakuja ndani ya timu yao kwani amejipanga kufunga mabao katika kila mchezo atakaocheza kwani bado hajafikia kwenye ubora wake.
Amesema amefurahi kuwa miongoni mwa wachezaji waliofanikiwa kufunga katika mchezo wa kwanza ndani ya timu hiyo kwenye mchezo wa hapo jana dhidi ya Power Dynamos katika kilele cha Simba Day huku akisisitiza kuwa bado amejipanga kuweza kufunga sana ili kufikia malengo ya timu hiyo katika michuano ya kimataifa.
"Nashukuru Mungu kwa kuweza kuniwezesha kuwa mmoja kati ya wachezaji walioweza kufunga bao katika mchezo mkubwa mbele ya mashabiki wengi ambao wamejitokeza kutupa sapoti, hili ni jambo kubwa kwangu lakini bado kuna kazi kubwa iliyopo mbele yetu.
"Nadhani hapa ni mwanzo kwa sababu nataka kuona nafunga sana katika kila mchezo ambao nitaweza kucheza kwa lengo la kuisaidia timu katika mashindano ambayo tunaenda kushiriki, kikubwa mashabiki kuendelea kutuombea na kutupa sapoti ya kutosha kwa kuweza kufika katika mechi zetu," alisema Onana.
No comments:
Post a Comment