DIAMOND KUJA TENA KESHO

Na Elizabeth John

BAADA ya kutamba na ngoma yake ya ‘Nataka kulewa’, Msanii wa muziki wa kizazi kipya nchini, Naseeb Abdul ‘Diamond Platinum’ ameachia kibao chake kipya kinachokwenda kwa jina la ‘Kesho’ ikiwa ni muendelezo wa kutoa burudani kwa mashabiki wake.

Akizungumza na Habari Mseto jijini Dar es Salaam leo, Diamond amesema ngoma hiyo kaipeleka sokoni juzi na kwamba yupo katika mchakato wa kutengeneza video ya kazi hiyo ambayo anaimani itakuwa na ujumbe mzito katika jamii.

“Naimani kazi hii itafanya vizuri, nimeamua kuachia kazi zangu mfululizo kwa madai ya baadhi ya mashabiki kwamba nimeishiwa mistari, kazi nyingine naachia baada ya Christimas huu utakua wimbo wa kuuga mwaka na kuukaribisha mwaka mwingine,” anasema Diamond.

Anasema yeye hawezi kuishiwa mistari kirahisi kama wanavyomfikiria wanaoongea, anawaomba mashabiki wa kazi zake waendelee kumpa sapoti katika kazi zake na kuwataka wasicheze mbali nay eye kuna vitu vingi ambavyo amewaandalia.

Licha ya kutaka kutoka na kibao hicho, Diamond alishawahi kutamba na vibao vyake kama, Mbagara, Mawazo, Moyo wangu na nyingionezo ambazo zilimuweka pazuri katika tasnia ya muziki wa bongo fleva.