PESA HAIKUWA KIPAUMBELE CHA PEP GUARDIOLA

MUNICH, Ujerumani

"Kama kipaumbele chake kingekuwa ni pesa, basi ni wazi Bayern isingekuwa na nafasi ya kupata saibni yake. Nadhani yeuye alivutiwa na sera, mtazamo na dira yetu kwa ujumla"

MWENYEKITI wa Klabu ya Bayern Munich ya hapa, Karl-Heinz Rummenigge, amesemea kuwa, pesa haikuwa kipaumbele cha Pep Guardiola kukubali kuingia mkataba wa kuinoa Bayern Munich kuanzia majira ya joto.

Guardiola, 41, aliyekuwa kocha wa zamani wa FC Barcelona, juzi alitangazwa kuwa kocha mpya wa Bayern na kuingia mkataba wa miaka mitatu ya kufanya kazi na klabu hiyo ya Allianza Arena.

Lakini wakati Guardiola akiukubali kuingia mkataba huo na Bayern, alikana ofa nono zenye vitita vikubwa kutokla klabu za England zikiongozwa na Chelsea na Manchester City.

"Kama kipaumbele chake kingekuwa ni pesa, basi ni wazi Bayern isingekuwa na nafasi ya kupata saibni yake," alisema Rummenigge.

"Nadhani yeuye alivutiwa na sera, mtazamo na dira yetu kwa ujumla. Bila shaka huilo litamuwezesha yeye kupata euro chache sana akiwa hapa, lakini kama pesa ingekuwa ndio kila kitu kwake, asingekubali kusaini kuja hapa kuanzia Julai 1."

Guardiola, ambaye atachukua mikoba ya kocha anayemaliza muda wake Jupp Heynckes, alikuwa ni kocha aliyevutia klabu nyingi tangu alipoamua kuachia ngazi kuinoa Barcelona kiangazi kilichopita, aliyotwaa nayo jumla ya mataji 14 katika misimu minne.

Aliamua kukaa pembeni katika jukumu la kuinoa klabu yoyote kwa msimu mmoja, lakini hiyo haikuzifanya klabu klutosaka saini yake kwa udi na uvumba, vita ambayo Bayern imeibuka mshindi hatimaye.

Chelsea, Manchester United, Manchester City, AC Milan, Roma na Paris St Germain, kwa nyakati tofauti ziliripotiwa na kukubali kuwa zinasaka saini ya Guardiola, kiungo wa zamani wa Barcelona na timu ya taifa ya Hispania.

……The Sun……