MALI YAING'OA BAFANA BAFANA AFCON 2013

Seyodou Keita wa Mali katikati akichuana na mabeki wa timu ya taifa ya Afrika Kusini Bafana Bafana.

Wachezaji wa timu ya Mali wakishangilia ushindi dhidi ya Afrika Kusini

DURBAN, Afrika Kusini

Mali imerejea rekodi ya kuwaondoa wenyeji wa fainali za Afcon, baada ya mwaka jana kutoka nyuma kwa mabao 2-0 na kusawazisha, kisha kuwaondoa wenyeji Gabon waliondaa kwa pamoja na Guinnea Ikweta

WENYEJI wa fainali za 29 za Kombe la Mataifa Afrika, timu ya taifa ya Afrika Kusini ‘Bafana Bafana’, jana usiku imeyaaga rasmi mashindano hayo, baada ya kushindwa kutumia vema changamoto ya mikwaju ya penati.

 

Bafana Bafana ilijikuta ikiambulia penati 1-3 dhidi ya Mali, hatua iliyokuja baada ya dakika 120 za kufungana bao 1-1.

Afrika Kusini ilikuwa ya kwanza kupata bao lake kunako dakika ya 31, likiwekwa nyavuni na Tokelo Rantie aliyetumia vema ushirikiano wa May Mahlangu na Thuso Phala.

Mali ilikuja juu kipindi cha pili na kufanikiwa ‘kuchomoa’ bao hilo kupitia nyota wa zamani wa FC Barcelona ya Hispania, Seydou Keita kwa kichwa katika dakika ya 58, akiunganisha krosi ya Mahamoud Samassa.

Shujaa wa hatua hiyo kwa upande wa Mali alikuwa ni mlinda mlango Soumbeyla Diakite, aliyepangua penati mbili za Bafana Bafana huku moja ikipigwa nje na kuyeyusha ndoto wenyeji.

Mashujaa waliotikisa nyavu katika mechi hiyo na kuipaisha Mali hadi nusu fainali walikuwa ni Mahamane Traore, Adama Tamboura na Cheik Diabate.

Siphiwe Tshabalala akifunga penati pekee ya Bafana Bafana, huku zile za Mahlangu na Dean Furman zikipanguliwa na kipa Diakite na Lehlohonolo Majoro akipaisha mkwaju wake.

Mali imerejea rekodi ya kuwaondoa wenyeji wa fainali za Afcon, baada ya mwaka jana kutoka nyuma kwa mabao 2-0 na kusawazisha na kuwaondoa wenyeji Gabon waliondaa kwa pamoja na Guinnea Ikweta.

Kabla ya mpambano huo, timu ya Taifa ya Gha ilikuwa timu ya kwanza kufuzu nusu fainali baada ya kuwang’oa Cape Verde kwa mabao 2-0 katika fainali kali na ya kusisimua kwenye dimba la Nelson Mandela Bay.

Shujaa wa Ghana katika robo fainali hiyo alikuwa ni mtokea benchi WakasoMubarak, aliyefunga kwa mkwaju wa penati dakika ya 52, kabla ya kufunga la pili dakika za majeruhi akitumia udhaifu wa kipa Cape Verde kuapnda kushambulia kona.

……SuperSport.com…..