H BABA AHIMIZA 'KUFUNGA ZIPU'

Na Elizabeth John

MKALI wa muziki wa bongo fleva nchini, Hamis Ramadhan ‘H Baba’ ameachia kazi yake mpya inayojulikana kwa jina la ‘Funga zipu’ na imeanza kufanya vizuri katika vituo mbalimbali vya redio.

Kabla ya kusambaza kazi hiyo, H Baba alikua anatamba na kibao chake cha ‘Usikate tamaa’ ambacho kinaendelea kufanya vizuri katika vituo mbalimbali vya redio na runinga.

Akizungumza jijini Dar es Salaam jana, H Baba alisema kazi hiyo tayari ameisambaza katika vituo mbalimbali vya redio na kwasasa yupo katika hatua za mwisho za uandaaji wa video ya kazi hiyo.

“Naomba mashabiki wangu wakae mkao wa kula kwaajili ya kuipokea video ya wimbo huo ambao naamini utakua moto wa kuotea mbali,” alisema H Baba.

Mkali huyo aliwataka mashabiki wake waendelee kumpa sapoti katika kazi zake, ikiwa ni pamoja na kuwa tayari kuzipokea kazi zinazokuja kutoka kwake.