HALMASHAURI YA MTAA WA CHANG`OMBE 'B' WATEMBELEA KIWANDA CHA BIA CHA SERENGETI

 Mkurugenzi Mtendaji wa Kampuni ya Bia ya Serengeti Steve Gannon akiwa katika picha ya pamoja na viongozi wa mtaa wa Chang`ombe `B’ baada ya kutembelea kiwanda cha bia cha Serengeti jana jijini Dar es Salaam.

 Mtaalamu wa mtambo wa kudhibiti maji taka Simon Peter kutoka kampuni ya bia ya Serengeti akitoa maelekezo kuhusu namna mtambo huo unavyofanya kazi katika namna ya utunzaji wa mazingira

 Viongozi wa mtaa wa Chang`ombe `B’ wakitembelea mazingira ya kiwanda cha Bia cha Serengeti jana jijini Dar es Salaam.

 Mwenyekiti wa mtaa wa Chang`ombe `B’ Ahmad Khadil akizungumza na waandishi wa habari kwa niaba ya viongozi wenzake mara baada ya kutembelea mtambo wa kusafisha maji taka na kuua kemikali ndani ya kiwanda cha Bia cha Serengeti jana jijini Dr es Salaam.

Mtambo wa kudhibiti maji taka na kuua kemikali.

Na Mwandishi Wetu

Jumatatu 27 Mei 2013, kampuni ya bia ya Serengeti iliwakaribisha viongozi na wajumbe wa serikali kutoka Chang’ombe na lengo kubwa la ziara hiyo ni kuimarisha uhusiano mzuri uliopo baina ya kiwanda cha Serengeti na wananchi waliokizunguka kiwanda hicho.

 Katika ziara hiyo viongozi hao walipata fursa ya kutembezwa kiwandani hapo na kujifunza mambo mbalimbali ikiwemo usafi na ulinzi mkubwa unaozingatia afya za wafanyakazi kiwandani hapo.    

Viongozi hao walinufaika kwa kujionea jinsi maji taka yanavyosafishwa na kuondolewa kemikali na kuzalisha gesi. 

Viongozi hao walitaka kujua kama maji hayo yanaweza kwa matumizi ya nyumbani kama kunywa na kupikia, na ndipo walipata elimu juu ya maji hayo kwamba si kwa matumizi ya nyumbani kwani huondolewa kemikali na kutumika katika umwagiliaji.

Viongozi hao wa Chang’ombe walifuraishwa na utendaji mzuri wa kazi unaozingatia afya na mazingira ya ndani na ya nje na kuwafanya waahidi kuendeleza ushirikiano na umoja katika kukuza kiwanda hicho kwani kufanya hivyo ni kukuza kipato cha nchi kwa ujumla.

 Pia viongozi hao wamekipongeza kiwamda cha bia cha Serengeti kwa kushiriki katika maswala ya kijamii hasa michezo na kusisitiza kuwa huo uwe mwanzo kwani wananchi wanategemea ushirikiano wa kiwanda hicho ili kukuza uchumi wa nchi yetu.

Mkurugenzi wa kiwanda hicho Bwana Steve Ganon aliwakaribisha kwa furaha viongozi hao na kusema “tunajivunia uhusiaano mzuri uliopo baina yetu na wananchi wanaotuzunguka. Tunawashukuru kwa kuitikia mualiko wetu bila shaka mmejionea ni kwa jinsi gani tunaudhamini ujirani kwani uhusiano mzuri ni chachu ya maendeleo yetu. 

Katika kuimarisha ushirikiano na wanajamii tumeajiri wananchi zaidi ya 300 kutoka hapa Chang’ombe na tunatoa fursa zaidi kwa wataalam wa ufundi kuomba kwani watapewa kipaumbele.