JAY DEE AFYATUA ALBAMU YA SITA

Na Elizabeth John

MSANII nyota wa kike katika muziki wa kizazi kipya nchini, Judith Wambura ‘Lady Jaydee’ amesema yu katika hatua za mwisho za kukamilisha albamu yake ya sita.

Akizungumza wakati akihojiwa na redio Magic jijini Dar es Salaam hivi karibuni, Jaydee alisema katika kuhakikisha albamu yake inafanya vizuri, anahitaji sapoti ya mashabiki wake.

“Nawaomba mashabiki kuniunga mkono katika kufanikisha albamu yangu kufanya vizuri sokoni tofauti na zilizotangulia,”alisema Jaydee.

Alisema albamu hiyo inatarajiwa kuingia sokoni Mei mwaka huu ikiwa na utofauti mkubwa na zilizotangulia kwa lengo la kujiongezea mashabiki, alisema Lady Jaydee.

Pia alisema kuwa mchakato wa kuisambaza albamu ataifanya mwenyewe na alishaacha kuwatumia wasambazaji wanaotumika na wasanii wengine.