TMK Wanaume Halisi waibuka na ‘Fitina’

Na Eliabeth John

KUNDI la Muziki la wanaume Halisi ‘TMK Wanaume Halisi’ linajipanga kutambulisha ngoma yao mpya inayokwenda kwa jina la ‘Fitina’ hivi karibuni

Akizungumza jijini Dar es Salaam, mmoja wa kundi hilo, Sir Nature alisema wapo katika hatua za mwisho za uandaaji na wanatarajia kuuachia wiki ijayo katika vituo mbalimbali vya redio.

“Kutokana na sababu ambazo zipo nje ya uwezo wangu nilikua kimya kwa muda mfupi kidogo, nimerudi upya naomba mashabiki wangu wakae mkao wa kula kwaajili ya kazi zangu zinazofuata ikiwa ni pamoja na video ya wimbo huo.