Mahakama zisigeuzwe Misukule ya kuwatisha Watanzania

Bryceson Mathias

PAMOJA na Tume ya Wajumbe wa Rasimu ya Katiba kusahau kuutaja Donda Ndugu na ugonjwa Mkubwa wa nchi hii, wananchi walio wengi wametaka Mhimili wa Mahakama usigeuzwe Msule wa kuwatishia watanzania.kwa kutumiwa na wanasiasa.

Kati ya Watu 10 waliohojiwa kuhusu Rasimu hiyo ya hivi karibuni, Wanne wamezilalamikia Mahakama, Wanne Rushwa na Ufisadi uliokithiri, na Wawili wamelialamikia Polisi, kama vyombo vinavyoweza kuharibu Mchakato mzuri wa Katiba

Kada mkongwe wa Chama Tawala (CCM) aliyetaka asitajwe asiandamwe alisema, Rasimu ya Katiba itakuwa nzuri tu, kama Viongozi wa Mahakama watakataa wasitekwa na kutumiwa na wanasiasa Kama Misule ya kutishia watanzania.

Amedai, Wakuu wa Wilaya, na Vyombo hivyo viwili Mahakama na Polisi, kwa siku za karibuni, mbali ya kulalamikiwa na wananchi, lakini katika tafiti kadhaa vimetuhumiwa kuwa vinara wa Rushwa na kuubeba Ufisadi kwa mbereko ya kisiasa.

Mwananchi Lukas Sungi Kitindi wa Dar yeye alisema, Wajumbe wa Rasimu hiyo  wameacha Shaka kwa kutoainisha katika Kabrasha zima (Document), Katiba itasemaje kuhusu Janga na Ndonda Ndugu lililooza la Rushwa na Ufisadi uliokithiri.

Wanawake wawili kati ya Watano waliohojiwa ukiwaondoa wanaume watano walisema, Rasimu imeacha Utata kwa kutoweka wazi juu ya utendaji wa Taasisi ya Kupambana na Kuzuia Rushwa (TAKUKURU) amabayo wanadai iwajibike kwa wananchi si kwa Rais

Mchungaji aliyeomba asitajwe kwa sababu zake binafsi alisema, Watanzania wanatakiwa kuwa na Musa ambaye akiwa Mlimani, alipoinua Mikono wana wa Israel walishinda Vita,  ambapo iliposhuka Wa-Ameleki walishinda.

Alisema wasaidizi wawili waliokwenda naye, walilazimika kuchukuwa Jiwe Musa akae, ndipo washikilie Mikono isishuke bila wao kuinua Mikono, kwa sababu wangeinua Mikono na Musa wangechoka, na ushindi wa Israel usingepatikana.

Ni Rai yangu kwamba, ili tuondokane na baadhi ya Wabunge na wanasiasa Maslahi, Watanzania tunatakiwa kumtazama Musa ambaye hahitaji Rushwa, Ufisadi, na Maagizo ya wanasiasa Uchwara, ili kutoa hukumu ya Ushindi dhidi ya Wa-ameleki.

Wajibu wetu kama Musa, ni kutekeleza maagizo ya Mungu kuinua Mikono Juu Israel waendelee kushinda, ili baadhi yetu wanapodanganyika na Ubwabwa, Kofia, Tisheti na Skafu, basi wainuke watanzania waliokwenda na Musa Mlimani waweke jiwe akalie na tushikilie Mikono.

Tukiwaachia Rasimu hiyo baadhi ya wanasiasa Maslahi ambao bungeni ni ndiyoooo, na James Mbatia akidai Iundwe Tume dhidi ya Elimu wanakataa! Ajabu haohao leo wamegeuka iundwe Tume waliyoipinga! .

Wananchi; Msiwasikilize wala kuwakubali hawatufai, maana wanaoshusha mikono ya Musa mlimani ili Wa-ameleki waendelee kutupiga hadi tushindwe kuendesha kukidhi Ugumu wa maisha, huku wao wakifaidi.

Rushwa na Ufisadi unaofanywa na kufumbiwa macho na watawala, ni sawa na Vitisho vya Goliati kwa wana Israel. Ndivyo vinavyowafanya Walimu wasiipende kazi yao kwa kunyimwa haki zao. Hivyo kwa Rasimu hii, watanzania tuna Kazi Moja tu!

Kati ya Mawe matano aliyookota Daudi, alihitaji Jiwe Moja tu litakalotua kwenye Kipaji cha Goliati ili kubadilisha Kilio cha Wana wa Israel na kupeleka Shangwe Yerusalemu kwenye nchi ya Maziwa na Asali! Jiwe hilo ni kura yako 2015.

Jiwe hilo la Kombeo, Likitua kwenye kipaji cha Goliati, Rushwa, Ufisaji, Dhuluma ya  Haki, Vitisho na Mauaji ya watu wasio na hatia vinavyofanywa na wenye Mamlaka! Vitakwisha, na Israel itakuwa Huru!

nyeregete@yahoo.co,uk 0715933308