'BIRTHDAY PARTY' YA JUX SEPTEMBA MOSI BILLZ

Na Elizabeth John

MKALI wa muziki wa kizazi kipya nchini, Juma Mussa ‘Jux’ kesho anatarajia kuzindua video ya kazi yake mpya inayokwenda kwa jina la ‘Uzuri wako’ ikienda sambaba na sherehe za kuadhimisha siku ya kuzaliwa kwake, katika ukumbi wa kimataifa wa Club Bilicanas uliopo katikati ya jijini la Dar es Salaam.

Akizungumza jijini Dar es Salaam, Jux alisema katika sherehe hizo atasindikizwa na wasanii wengine ambao wanafanya vizuri katika tasnia hiyo ili kukamilisha burudani siku hiyo.

Jux aliwataja wasanii ambao watamsindikiza kuwa ni, Mwanadada Vanessa Mdee, Khalid Mohamed ‘TID Mnyama’, Richard Martin ‘Rich Mavoko’, Emmanuel Simwinga ‘Izzo Bussiness’, Samir, Quick Racka na wengine.

“Septemba Mosi ni siku yangu ya kuzaliwa, nimewamba wasanii hao kwaajili ya kunisindikiza siku hiyo kutokana na uzito wa tukio hilo kwangu, naomba wapenzi wa kazi zangu wafike kwa wingi katika ukumbi huo,” alisema.

Alisema kutakuwa na mambo mengi ya kuvutia ambayo atayafanya kwa mashabiki wake, hivyo anaomba wamiminike kwa wingi katika ukumbni huo ili wapate vitu ambavyo amewaandalia.