MSUYA AJIPANGA KUFANYA KAZI NA 'MASTAA'

Na Elizabeth John

MSHINDI wa Epiq Bongo Star Search (EBSS) mwaka huu, Emmanuel Msuya amesema anatarajia kufanya kazi na wasanii wakubwa katika tasnia hiyo ili aweze kufanikiwa kimuziki.

Baadhi ya wasanii ambao Msuya aliwataja kuwa atashirikiana nao ni pamoja na Elias Barnaba ‘Barnaba Boy’, Bernad Paul ‘Ben Pol’, Linna Sanga ‘Linna’, Mwasiti Almasi ‘Mwasiti’ na Mary Lucas ‘Vumilia’.

Akizungumza jijini Dar es Salaam jana, Msuya alisema anaimani akishirikiana na wasanii hao atafanikiwa katika tasnia hiyo hivyo anaomba Watanzania wampe sapoti katika tasnia hiyo.

“Mimi napenda kuimba nyimbo zenye mafunzo kwa jamii hasa zinazohusu watoto ambao wanaishi katika mazingira magumu, watu wenye kipato kidogo tunatakiwa kuwasaidia ndigu zetu, mwisho wa siku haya ni maisha tu kila mmoja atayaacha hapa duniani,” alisema.

Msanii huyo kwasasa anaendelea kurekodi video ya kazi yake inayojulikana kwa jina la ‘Leo ni leo’ ambayo inaandaliwa katika studio ya Burn rekodi chini ya mtayarishaji mahiri nchini, Shadrack Willced ‘Sheddy Clever’.