HABARI MSETO BLOG

Muhammad Ali, Pele, Woods wamlilia Mandela

LONDON, England

"Aliwaongoza wengine kufikia kile kilichoonekana hakiwezekani kukifikia na kuwapeleka wengine katika kuvunja vikwazo vilivyowageuza baadhi yao kuwa mateka wa kiakili, kimwili kijamii na kiuchumi. Alitufundisha usamehevu uliotukuka"

WANAMICHEZO maarufu duniani wameelezea masikitiko yao kutokana na kifo cha aliyekuwa Rais wa Kwanza Mweusi wa Afrika Kusini, Nelson Mandela, ambaye alifariki jana usiku akiwa na umri wa miaka 95.

Bondia hatari wa zamani, Muhammad Ali alikaririwa akisema: "Maisha yake yalikuwa yaliyojazwa kusudi na tumaini – tumaini kwake yeye binafsi, nchi yake na dunia kwa ujumla.

"Yeye alitufanya sisi kutambuana kuwa sisi ni ndugu moja na kwamba ndugu zetu wengine wamekuja katika rangi tofauti," alisisitiza Ali katika maelezo yake machache kuhusiana na kifo cha mwanasiasa huyo aliyewahi kutumikia kifungo cha miaka 27.

Ali aliongeza kuwa: "Ambacho kitanifanya nikumbuke sana kuhusu Mzee Mandela ni kwamba yeye alikuwa mtu mwenye moyo safi na nafsi ya utu, aliyechukia ubaguzi wa rangi na kukosekana kwa haki ya uwiano wa kiuchumi, chuki binafsi na kisasi.

"Aliwaongoza wengine kufikia kile kilichoonekana hakiwezekani kukifikia na kuwapeleka wengine katika kuvunja vikwazo vilivyowageuza baadhi yao kuwa mateka wa kiakili, kimwili kijamii na kiuchumi.

"Alitufundisha usamehevu uliotukuka. Alikuwa na roho iliyozaliwa ikiwa huru, iliyopaishwa juu ya upindi wa mvua. Leo hii roho yake imepaa mbinguni. Yeye kwa yuko huru na atabaki hivyo daima," alimaliza Ali kwa masikitiko.

Kwa upande wake nguli wa zamani wa duniani, Edson Arantes de Nescimento ‘Pele’ alimuelezea Mandela kwamba alikuwa "mmoja wa watu aliyekuwa na ushawishi mkubwa katika maisha yangu. Mandela alikuwa shujaa wangu, alikuwa pia rafiki yangu."

Mwanamichezo mwingine aliyemwaga chozi kwa ajili ya Mandela ni Tiger Woods, bingwa wa mataji makubwa 14 na kinara wa zamani wa viwango vya ubora duniani, aliyesema: "Daima utabaki moyoni mwangu Mheshimiwa Mandela.

"Pop, (ambaye ni baba yake Tiger) na mimi tulihisi taswira yako wakati tulipokutana, najihisi kama ni leo na nitajisikia hivyo daima. Ulifanya mengi yaliyo bora kwa binadamu wote," alimaliza Woods

BBC Sport