BEN POL AWACHANA WENYE MTIMANYONGO

Na Elizabeth John

MSANII wa muziki wa R&B, Benard Paul ‘Ben Pol’ amewataka wasanii wa Bongo kuwaunga mkono msanii Diamond na AY baada ya kuchaguliwa kuiwakilisha Tanzania kwenye kampeni ya kilimo inayohamasisha vijana wa Afrika kukipa nafasi kilimo.

Akizungumza jijini Dar es Salaam jana, Ben Pol alisema, kwa jinsi anavyowajua wasanii wa Tanzania wataanza kuwekeana mtimanyongo bila sababu cha msingi ni kuwapongeza na kuwapa sapoti wasanii hao.

“Ninachoweka kusema ni kwamba hao ni ndigu zetu na wameenda kutuwakilisha vizuri hakuna haja ya kuwa na hasira nao kwasababu wanatuwakilisha wote na hatuwezi kualikwa wote katika kampeni moja hivyo ni kujitahidi kufanya kazi ambazo zitamvutia mtu kukupa kazi yake,” alisema.

Alisema kwasasa yupo katika maandalizi ya kusambaza kazi yake mpya ambayo anauhakika itafanya vizuri kutokana na ubora wa mashairi yaliyopo ndani yake.

Ben Pol alishawahi kutamba na nyimbo zake kama, Jikubali, Number One Fun, Maneno, Nikikupata, Samboila na nyinginezo nyingi ambazo zilimtambulisha na kufanya vizuri katika tasnia ya muziki huo.

Mwisho.