HABARI MSETO BLOG

ST GANGWE KUWAKUMBUKA WACHEZAJI WAKE

Ayub Semtawa

TIMU ya mpira wa miguu ST Gangwe  ya Kicheba wilayani Muheza,Tanga, inatarajia kufanya kumbukumbu ya kuwakumbuka wachezaji wake walioichezea timu hiyo kwa mafanikio makubwa wakati wa uhai wao.

Kumbukumbu hiyo itafanyika kijijini hapo Aprili 11 mwaka huu, Siku ya Ijumaa Kuu kwa kuwashirikisha viongozi wakidini na vyama mbalimbali  vya siasa.

Akizungumza kwa njia simu na Tanzania Daima mwishoni mwa wiki, Mratibu wa Kumbukumbu hiyo, Mustafa Mwinjuma (Wachuma), alisema siku hiyo wameandaa michezo mbalimbali ikiwahusisha na wazee.

Aliwataja baadhi ya wachezaji watakaokumbukwa siku hiyo kuwa ni Idrissa Semtawa ambaye ni baba mzazi wa mchezaji wa Coast Union ya Tanga Ayub Semtawa, Omar Semhunge (Hondohondo), Hassan Bondo, Shah Mussa,  Mustafa Semtawa (Bob Wario) na Stephen Kisingi.

Wengine ni Zuberi Mohamed (Mangasini), Mariamu Hiza (Mama wa Gangwe), Godfrey Mwamlongo, Ayub Sekoba, Mwinchumu Mwinyiheri, Hatib Hombo, Rawlance Raymond, Salehe Mhina, Salumu Azizi na wengingine.

Wachuma alisema siku hiyo viongozi wa wadini mbalimbali watatumia nafasi zao kusoma visomo vya kuwaombea marehemu hao.

Alisema baada ya shuhuli hizo za ibada kutakuwa na michezo ya mpira wa miguu, netboli, basketball, bao na ngumi zitakazo simamiwa na bondia maarufu Abel Kisuse (Abel Boy).

Wachuma, alisema mechi itakayowavuta wengi ni kati ya wapinzani wa jadi katika kijiji hicho yani ST Gangwe na Kicheba Stars ambayo itapigwa saa 10:30 jioni kwenye uwanja wa Lusanga (Sululele).