MWASITI AOMBA SAPOTI

Na Tatu Mohamed

BAADA ya kufanya vizuri na kazi yake inayojulikana kwa jina la ‘Serebuka’, Mwasiti Almas ‘Mwasit’ amewataka wapenzi wake wampe sapoti katika video ya kazi hiyo.

Mwasiti amesambaza kazi hiyo hivi karibuni katika vituo mbalimbali vya televisheni.

Akizungumza jijini Dar es Salaam jana, Mwasiti alisema, anaomba wapenzi wake wampe sapoti katika kazi hiyo ambayo anasema inamvuto kutokana na kupiga picha za kuvutia.

“Naomba wadau wangu wanipe sapoti katika video yangu, nina uhakika itafanya vizuri kutokana na ubora wa picha zilizopo ndani yake pamoja na mashairi yake kuwa na ujumbe kwa jamii nzima bila kubagua rika,” alisema.

Alisema video hiyo imehaririwa na Nick Dizzo, na kutengenezwa na mtayarishaji mahiri Sheddy Clever chini ya studio ya Burn Rekodi iliyopo Tababa jijini Dar es Salaam.

Mwasiti alishawhi kutamba na kazi zake kama ‘Nalivua Pendo’, ‘Mapito’ na nyinginezo ambazo zilimtambulisha na kufanya vizuri katika tasnia ya muziki.