TIMBULO: SIO LAZIMA KUFANYA 'COLLABO' NA MSANII WA KIMATAIFA

NA ELIZABETH JOHN

MKALI wa nyimbo za hisia Ally Timbulo ‘Timbulo’ anasema haoni haja ya kufanya kazi na wasanii wa kimataifa japokuwa anajiongezea soko katika tasnia hiyo ya muziki.

Akizungumza jijini Dar es Salaam, Timbulo alisema kuwa wasanii wengi kwa sasa wamekuwa wakifanya kazi na wasanii wengi wa kimataifa ilikuweza kujiongezea soko kimataifa wakisahau hapa nyumbani.

Timbulo alisema kuwa yeye anachohitaji kwanza ni kuutengeneza muziki wake ndani ya nchi halafu ndio amwage kwa nchi zingine ili kuweza kupataa faida kuanzia nchini kwake halafu ndio atapanda kimataifa zaidi.

“Siyo lazima mimi kwangu kushirikiana na msanii wa kimataifa japokuwa inakuwa inaniongezea mauzo ila kwanza ninachofanya ni kuutengeneza muziki wangu ndani ya nchi yangu halafu ni usambaze nje ya nchi yangu,”alisema

Msanii huyo kwa sasa anatamba na kibao chake kipya kiitwacho ‘Nakumiss miss’ ambacho kimeanza kufanya vizuri katika vituo mbalimbali vya redio kutokana na ubora wa mashairi yaliyopo ndani yake.