EAGT Dodoma walitaka Tamasha la Shukrani

 Mwenyekiti  wa Kamati ya maandalizi ya tamasha la kumshukuru mungu kwa amani na utulivu wakati wa uchaguzi mkuu, Alex Msama akifafanua jambo wakati wa mkutano na waandishi wa habari jijini Dar es Salaam, leo, kuhusu maandalizi ya tamasha hilo. Kushoto ni Mratibu wa tamasha hilo, Khamis Pembe.  (Picha na Francis Dande)

NA MWANDISHI WETU

KANISA la Evangelistic Assemblies of God Tanzania (EAGT) mkoani Dodoma limewataka waandaaji wa Tamasha la Kushukuru, Kampuni ya Msama Promotions kuukumbuka mkoa wa Dodoma katika tamasha hilo linalotarajia kufanyika Desemba 25 katika ukumbi wa Diamond Jubilee jijini Dar es Salaam.

Akizungumza  hivi karibuni, Mwenyekiti  wa Kamati ya maandalizi ya tamasha Alex Msama alisema amepokea taarifa hiyo kutoka kwa Mchungaji wa kanisa hilo mkoani Dodoma, Elia Meshack.

Msama alisema Mchungaji Meshack ameliomba tamasha hilo ili kufikisha asante yao kwa Mungu baada ya kufanikisha uchaguzi Mkuu wa Tanzania uliofanyika Oktoba 25 nchini kote.

Aidha Msama kwa kuwa waliandaa tamasha la kuombea amani uchaguzi Mkuu, hapana budi kurudisha shukrani kwa Mungu baada ya kuomba amani katika uchaguzi huo.

“Nimezungumza na Mchungaji Meshack akinieleza kwamba itakuwa vema Tamasha la Shukrani nikilifikisha mkoani Dodoma, Kamati yangu inafanya mikakati ya kuweza kufikisha asante kwa Mungu,” alisema Msama.