TFDA yawaonya wanfunzi wanao tumia vipodozi

NA KENNETH NGELESI, MBEYA

MAMLAKA ya chakula na dawa TFDA  nyanda za juu kusini wanafunzi pamoja na wananchi kuwa makini wanaponuanua  vipodozi vinavyouzwa kwa kificho na vile vinavyo tembezwa  na wamachinga majumbani kwa kuwa baadhi havina vigezo kwa matumizi ya binadamu kwani vinaweza kusababisha kuharibu uzio wa ngozi na kupenya hadi kwenye damu na kusababisha kansa.

Hatua hiyo imekuja baada ya wafanyabiashara wasio waaminifu kukimbizia sokoni vipodozi hivyo vilivyopigwa marufuku na vingine vinavyotengenezwa na baadhi  wajasiliamali katika mazingira ya kificho nayasiyo rasmi bila  kupata usajili na kufuata ushauri wa kitaalamu jambo linaloweza kuleta madhara kwa watumiaji.

Akizungumza  wakati wa kutoa elimu kwa wanafunzi wa shule za msingi, Sekondari na Taasisi za elimu ya juu  jijini hapa,meneja chakula na dawa nyanda za juu kusini Rodney Harananga  katika msako wa kutokomeza vipodozi nvyenye viambato vyenye sumu vilivyopigwa marufuku.

Alisema kuwa Mamlaka hiyo ililiindesha msako katika maeneo mbalimbali baada ya kubaini kuwa  vipodozi  vinavyoingizwa kwa njia isiyo halali licha ya jitihada za kuvikamata na kuviteketeza kwa moto lakini  vinaendelea kuuzwa madukani kwa kificho  kutokana  na kuwepo na soko la uhakika kwa watumiaji bila kufahamu madhara yake.

Alisema kuwa Mamlaka hiyo  imeanzisha mkakakati wa kutoa elimu kwa wanafunzi wa shule za msingi pamoja na vyuo ili kupanua wigo wa uelewa kuhusu madhara hayo kwa kuwa makundi hayo ambayo baadhi yao wameanza kutumia vipodozi hivyo kwa kufahamu ama kutofahamu madhara.

“Tumeamua kutoa elimu kwa Wanafunzi hasa ngazi ya msingi,Sekondari na vyuo vya elimu ya juu kwani nao wamekuwa wakitumia vipodozi vyenye viambata na sumu ambapo madhara yake huonekana baada ya kutumia kwa muda mrefu ili wapate kutambua na kufanya maamuzi makini wakati wa kununua na kutumia vipodozi” alisema  Harananga.

   

 Aliongeza kuwa mamlaka ya chakula na dawa imekumbwa na hali ya wasiwasi kwa baadhi ya wafanyabiashara pamoja na  wajasiliamali kwa kuibua  mbinu mpya kutumia lugha za ushawishi kwa watumiaji na  kukimbizia sokoni vipodozi kwa kutangaza kuwa   vinatengenezwa kwa kutumia mimea ya  asili na kwamba havina madhara huku vikiuzwa kwa kificho bila kufanyiwa  uchunguzi wa kimaabara wala kibali kutoka TFDA.

Akitolea mfano vipodozi  vilivyoandikwa  zoa zoa na vingine vimeandikwa habari ya mjini  vimetengenezwa kwa mimea ya  asili  na lugha za mvuto eti vinarudisha maumbile au maungo ya binadamu kuwa na mvuto kuwa hazina vigezo hivyo watumiaji wajihadhari.

Akitoa ufafanunuzi amevitaja viambato  kumi na  moja vyenye sumu vilivyopingwa marufuku hivyo watumiaji kuwa makini wanaponunua vipidozi hivyo vyenye madhara kwa afya ya binadamu kuwa ni Bithionol, Hexachlophene, Zebaki (Mercury) Vinyl Chloride, Ziconium, Halogenated Salicylanilide,Chloroquinenone, Hydroquinone,Steroids, Chroloform,Chlorofluorocaborn, pamoja na Methylene Chloride ambapo madhara yake huleta magonjwa ya kansa ya figo, mapafu ngozi,ubongo muwasho, mabaka meupe na meusi, chunusi, na endapo mtumiaji atapata jeraha kidonda cha upasuaji hakitapona,vile vile kwa  mama mjamzito akitumia vipododi nyenye viambata vya Zebaki mtoto huzaliwa akiwa na mtindio wa ubingo.

Wakizungumza kwa niaba ya wenzao wanafunzi  Dianarose Aloyce, Tami Moses na Endrew Dainiel Wakihojiana na mwandishi wa habari hizi baadhi ya wanchuo chuo cha veta baada ya kupata elimu hiyo wamekiri kuwa wao pia wamekuwa wakitumia vipodozi hivyo  bila kujua madhara yake na kwamba wamekuwa wakitumia kwa kufuata mkumbo bila kujua madhara ili kuonekana warembo na watanashati. 

Aidha wameongeza kuwa sehemu kubwa  na wengi wao wanatumia vipodozi hivyo kwa kuiga mkumbo ili kuonekana nadhifu na watanashati pasipo kujua madhara ambayo wanaweza kuyapata kwa kutumia madawa hayo.