RT YATOA UTARATIBU WA KUENDESHA MASHINDANO YA MBIO ZA BARABARANI

Shirikisho la Riadha Tanzania linapenda kurudia kwa msisitizo utaratibu wa namna ya kuendesha mashindano ya mbio za barabarani ikiwemo marathon (42k).

Mwaka jana tumeshuhudia utaratibu holela kiasi kwamba watu wanaandaa mambo yao bila hata kuomba utaratibu kwa RT kitu ambacho ni kinyume cha sheria za Baraza la Michezo la Taifa.

Nawataarifu wote wenye nia njema ya kuandaa mashindano waelekeze maombi yao ofisi kuu ya RT iliyopo Taifa Road Temeke Dar es Salaam (inatazamana na uwanja wa taifa).

Kinyume na hapo tutawasiliana na sponsors wote kuwataarifu kwamba RT haitatambua mchango wa udhamini wowote kwenye mbio ambazo Shirikisho haijashirikishwa, hivyo ni vyema sponsors wote wawasiliane na RT kabla ya kuingia makubaliano na waandaaji wa mbio husika.

Pia RT inayo uwezo wa kuwazuia wanariadha wake kushiriki mbio zozote haramu (kama RT haijahusishwa).

Kwa mbio ambazo ni chini ya kilomita 21 hakuna Ada ila ni lazima RT ikatoa baraka zake kwa wahusika kulipa Ada ya usajili (registration fee) ambayo ni 100,000 tu na inalipwa mara moja kwa uhai wa mbio zenyewe.

Nimekusudia kutoa tamko hili kutokana na ukweli kwamba kuna ukanjanja katika kuandaa mashindano haya, nawasihi waandaaji wote waige mfano wa waandaaji wa Kilimanjaro Marathon, Tulia Marathon, Rock City Marathon nk.

Wilhelm Gidabuday

Katibu Mkuu-RT