SMZ NA NGOME WAENDELEA KUJIZATITI MASHINDANO YA BAMMATA

Na Luteni Selemani Semunyu

Mashindano ya Michezo ya Majeshi Tanzania imeendelea katika Viwanja mbali huku klabu ya Ngome na SMZ vikifanya Vyema katika Michezo iliyofanyika leo Jijini Dar es Salaam.


Katika Mchezo wa Handball kwa Wanawake klabu ya Ngome wameifunga SMZ kwa 26 kwa 12 huku katika Soka SMZ wameibugiza Polisi kwa magoli matano Bila.

Katika Riadha Wanawake Mita 1500 Mchezaji Private Mgadalena Shauri ameibuka na Ushindi na kujihakikishia Medali ya Dhahabu akifuatiwa na Private Cecilia Ginoka Wote wa Ngome na Mshindi wa Tatu ni Private Angelina Tsere wa JKT.

Katika Mpira wa Pete JKT wameanza kurejesha Matumaini Baada ya kuifunga Polisi 48 kwa 23 huku Ngome wakilala mbele ya SMZ na kufungwa 47 .

Mpira wa Kikapu Wanaume Magereza Wameinyuka Polisi kwa Vikapu 88 kwa 52 na katika Mpira wa Wavu Ngome wameifunga Magereza Seti Tatu Bila.