Man City yaongeza mkataba na QNET

MANCHESTER, ENGLAND

 

KLABU ya Manchester City imeongeza muda wa ushirikiano rasmi wa mauzo ya moja kwa moja na kampuni ya QNET yenye maskani yake barani Asia.

Kurefushwa kwa ushirikiano baina ya pande hizo mbili, kumekuja baada ya kufanya kazi kwa ufanisi kwa kipindi cha miaka 10, wakiwa wauzaji wa moja kwa moja wa timu ya wanawake na wanaume ya Man City. 

Aidha, ushirikiano huu unaashiria mafanikio zaidi tangu Mei, Mwaka 2018 pale Klabu hiyo ilipoikaribisha QNET kama mshirika wa kwanza wa lebo za mikononi katika Ligi ya Wanawake ya Super League.  

Chini ya makubaliano hayo, kipindi chote cha ushirikiano huu kampuni ya QNET itaendelea kutoa kliniki za soka zinazosimamiwa na klabu hiyo kwa jamii kote duniani na kujihusisha na watumiaji na wasambazaji. 

Katika kusherehekea tangazo hilo, QNET imezindua toleo dogo la saa za mkononi inayojulikana kama 'QNETCity Champions' zinazoundwa na kuzalishwa na mafundi mahiri wa nchini.

Makamu wa Raisi Mwandamizi wa ushirikiano wa Man City Football Group, Damian Willoughby, alitoa maoni yake na kusema;

 "Tuna furaha kutangaza kuwa QNET imekuwa mshirika wa hivi karibuni. 

“Tumeongeza muda wa ushirikiano na Man City katika makubaliano ya muda mrefu ambayo yatashuhudia tukisherehekea miaka kumi ya kufanya kazi kwa pamoja.

“Ushirikiano huu uliweka historia pale QNET ilipokuwa  mshirika wa kwanza wa lebo za mikononi, katika ligi ya wanawake ya Super League na tuna furaha kuingia katika ukurasa mwingine kwa pamoja." 

“Mkurugenzi Mkuu wa QNET, Malou Caluza alisema: “Huu ni ushirikiano unaothaminiwa sana kwa  QNET na Man City kwa sababu utendaji bora ni msingi wa chapa zote mbili. 

“Sote tuna msukumo kuelekea katika mafanikio kwa kufanya kazi kwa bidii, ari na kujitolea.  

“Kupitia ushirikiano huu, tumeweza kuwa na fursa ya kuwapeleka watoto kutoka katika familia zenye kipato kidogo kutoka maeneo mbalimbali duniani kwenda Man Utd kwa ajili ya kambi ya mafunzo ya mpira wa miguu na kozi ya lugha ya kiingereza.

“Kweli,  imekuwa ni fursa nzuri sana ya kubadilisha maisha kwa watoto walio wengi. Tunatumaini kuwa tutaendelea kufanya kazi kwa pamoja na kutafuta njia mpya za kibunifu za kushirikiana na kuwafikia mashabiki wetu." Alisema.

QNET ni moja kati ya makampuni ya mauzo ya moja kwa moja kutoka Asia yanayoongoza ambayo inatoa aina mbalimbali za bidhaa za afya, ustawi na mitindo ya maisha ambayo yanasaidia watukuishi maisha bora zaidi. 

Kwamiaka 20, Mtindo wa biashara ya kuanzia ngazi ya chini ya QNET umeongezewa kasi na nguvu ya biashara ya mtandao imesaidia kuwawezesha mamilioni ya wajasiriamali katika nchi zaidi ya 100 duniani kote.