SHERIA YA UPIMAJI UKIMWI YAJA WIKI IJAYO

Na Asha Mwakyonde

SERIKALI imesema kuwa inatarajia Bunge kupitisha mapendekezo ya mabadiliko ya sheria ili watu waweze kujipima wenyewe virusi vya ukimwi mwishoni mwa wiki hii.

Akizungumza jijini Dar es Salaam Waziri wa Afya, Maendeleo ya Jamii, Jinsia, Wazee na Watoto, Ummy Mwalimu wakati  akifungua semina elekezi ya Virusi Vya Ukimwi (VVU), kwa wasanii mbalimbali iliyoandaliwa na wizara hiyo kwa kushirikiana na Taasisi ya Benjamin William Mkapa.

Waziri Ummy alisema awali  Sheria ilikuwa hairuhusu kujipima na kwamba kwa sasa itakuwa rasmi kabla ya ijumaa hivyo sheria hiyo ikipita sasa watu wataweza kujipima wenyewe.

Alisema yamepelekwa bungeni marekebisho hayo ya sheria ili watu waweze kujipima wenyewe. lakini pia sheria ya ukimwi inasema mtoto mwenye umri wa chini ya miaka 18 hawezi kwenda kupima ukimwi bila ridhaa ya wazazi.

“Kujipima virusi vya ukimwi sio kipimo cha mwisho tutakuomba uende kwenye kituo cha kutoa huduma za afya ili uweze kuthibitisha kama ni sahihi au sio sahihi,” alisema Waziri Ummy.

 “Watoto  ni watundu hivyo tumepeleka mapendekezo bungeni Vijana wa miaka 16 na 17 hawezi kupima mpaka mama au  mzazi aandike apime,tumeona watoto wanaendelea wana access na mitandao tumepeleka pia mapendekezo hayo  bungeni naamini ijumaa wabunge watapitisha mapendekezo yetu,”alisema.

Waziri Ummy alisema kuwa kutokana na hali hiyo wizara yake   hadi mwenye umri wa miaka 15 kwenda kupimwa kwenye vitu na kwamba  serikali imeendelea kuwatumia wasanii katika shughuli mbalimbali  kwa lengo la kuhamasisha vijana kujitamu kuhusu sula la maambukizi ya vvu na ukimwi.

“Lakini  si kwa kiwango  kinachotakiwa kwa kuwa wasanii wana ushawishi mkubwa wa kufikisha ujumbe kirahisi na kwa haraka kwa vijana ama washabiki wao,”alisema.

Waziri Ummy aliongeza kuwa kila watanzania 100, watanzania 80 wanafahamu kuhusu virusi vya ukimwi na ukimwi.

Alieleza kuwa Tanzania imejiwekea malengo ya kutokomeza ukimwi ifikapo 2030 na kwamba watu Mil 1.4  nchini wanaishi na virusi vya ukimwi angalao asilimia 90 wafahamu kuhusu hali zao hiii ndiyo imekuwa changamot kubwa.

“Nawaomba sana katika kazi zenu za Sanaa kwenye nyimbo maigizo filamu Sanaa za maonyesho katika kuhamasishana. Kwani Katika watu 100 wanaoishi na virusi vya ukimwi ni watu 62 tanzania ambao wanafahamu kuhusu hali zao katika maambukizi,”alisema.

Aliongeza kuwa kuwa kuna  asilimia 38 katika ya watu 100 wanaoishi na virusi vya ukimwi hawajaweza kuwafikia  na kwamba watu wanaoishi na virusi vya ukimwi na wanajua hali zao wawe wanatumia dawa za ARVs.

“Kuna utafiti na ushahidi wa kisayansi unapotumia ARVs kwa kuzingatia masharti uwezo wa kuambukiza unapungua kwa zaidi ya asilimia 645 na asiyetumia ARVs ana nafasi ya kuambukiza watu wengi kuliko yule anayetumia,”alisema.

Kwa upande wake Mkurugenzi Mtendaji katika taasisi hiyo ya Benjamini William Mkapa, Dk. Ellen Senkoro alisema Hivyo wasanii ni kundi muhimu linaloweza kusaidia kufikia vijana kwa ukaribu.

Aliongeza kuwa taasisi hiyo inatambua vijana ni kundi mojawapo linalokabiliana na vishawishi vingi vinavyosababisha maambukizi ya ukimwi.

Alisema  semina hiyo wanawajengea uwezo wasanii kufikisha ujumbe jinsi inavyotakiwa kwa kuwa ni washawishi wazuri kwa lengo la  kuhakikisha wanapunguza kasi ya maambukizi , unyanyapaa na kuhimiza matumizi sahihi ya dawa za kupunguza makali ya virusi vya ukimwi.

Awali Mganga mkuu wa Mkoa wa Dar es Salaam, Dk. Yudas Ndungile alisema wizara ya afya imepiga imejitahidi kuhakikisha inatoa elimu ya vvu kwa kupitia Sanaa.

Wasanii hawa watapitishwa kwenye athari za unyanyapaa, na kupitia Sanaa  inaweza kutumika kufikisha ujumbe kwa jamii juu ya kujikinga na maambukizi, kutumia dawa, jinsi ya kuepuka madawa ya kulevya lakini pia namna ya kuondokana na unyanyapaa.

Naye Rais wa Shirikisho la Muziki Tanzania, Addo Novemba alisema, imekuwa ni desturi kwa wasanii kutangulizwa kufanya jambo hivyo wanaiomba wizara nyingine waige mfano huo kwa kuwa wanafanya kazi kubwa ya kuielimisha jamii.

Kwa upande wake Rais wa Shirikisho la Sanaa za Maonyesho, William Chitanda alisema wasanii wapo tayari kushirikiana na wizara kuhakikisha Sanaa zao zinapeleka ujumbe muafaka.