MEYA ILALA AWATAKA WANAWAKE KUKUZA UCHUMI

Meya wa halmashauri ya Ilala Omary Kumbilamoto akiangalia bidhaa  zinazozalishwa na Taasisi ya Fahari Tuamke Maendeleo (Na Mpiga Picha Wetu).


NA FARAJA EZRA

MEYA wa Halmashauri ya wilaya ya Ilala Omary Kumbilamoto amewataka Wanawake wa halmashauri hiyo kujikwamua ili kukuza uchumi wa nchi.

Aidha Kumbilamoto aliyasema hayo wakati wa kufunga mafunzo ya Wanawake na Vijana Wajasiriamali wa Kata ya Gongolamboto jini Dar es Salaam yalioandaliwa na Taasisi ya Fahari Tuamke Maendeleo.

"Nampongeza Mwenyekiti wa Taasisi ya Fahari Tuamke Maendeleo Neema Mchau, katika juhudi zake za kuisaidia serikali hasa wilayani Ilala kuwainua wanawake katika shughuli za uzalishaji  kwa kuwapatia ujuzi sasa wanamiliki viwanda vyao, "alisema Kumbilamboto.

Alisema imefika sasa Wanawake kusimamia imara katika viwanda vidogovidogo ambavyo vinazalisha bidhaa na kuzitangaza katika masoko ya ndani na nje.

Hata hivyo Serikali inaboresha soko la kisasa la Kisutu ambalo ujenzi wake umegharimu bilioni 13  litakapoanza kutumika soko hilo watawekwa wafanyabiashara wa awali na nafasi za Wafanyabiashara 700 zitakuwepo.

 Hivyo ameitaka taasisi hiyo na wafanyabiashara kuchangamkia fursa hiyo kwani soko hilo litakuwa la kisasa na watalii watafikia hapo ndio mradi mkubwa wa soko la kipekee katika Halmashauri ya Ilala.

Alisema serikali inatoa mikopo ambayo aina riba kupitia halmashauri kwa vikundi vinavyotambulika wakopaji wakope fedha hizo na wakumbuke marejesho  ili wengine waweze kukopa .

Naye Mwenyekiti wa Fahari Tuamke Maendeleo Neema Mchau, amempongeza Meya wa Ilala Omary Kumbilamoto ambaye ni mlezi wa Taasisi hiyo. 

Aidha Mchau alisema mafunzo hayo yalikuwa ya wiki moja ya utengezaji sabuni, Mafuta ya kupaka, na sabuni za maji ambapo kila mshiriki amepewa Cheri cha ushiriki kwa kufanya vizuri ambapo kwa sasa anamiliki Kiwanda chake.