VIJANA WAASWA MAAMBUKIZI YA UKIMWI KUZIDI KUPAA HAPA NCHINI

Na Mwandishi Wetu Morogoro

Mkuu wa Mkoa wa Morogoro Bw. Loata Erasto Olesanare amesema maambukizi ya virusi vya UKIMWI katika Mkoa huo vimeongezeka kwa Kiwango cha 4.2% kwa takwimu za mwaka 2016/12 tofauti na takwimu za mwaka 2011/12 ambapo maambukizi hayo yalikuwa 3.3% na kuonya kuwa uenda takwimu hizo zikaendelea kama hatua anwai hazitaendelea kuchukuliwa.

Mkuu huyo wa Mkoa amesema hayo mapema leo Ofisini yake alipokutana na ujumbe wa Wizara ya Afya Idara Kuu Maendeleo ya Jamii uliofika ofisini kwake kwa lengo la kutoa taarifa ya kampeini ya kumpambana na maambukizi ya UKIMWI kwa vijana ijulikanayo kama Timiza malengo ili kufikia ndoto zako.

Aidha Bw. Olesanare ameongeza kuwa kwa takwimu za kila Wilaya katika Mkoa wa wake Kilombero inaongoza kwa maambukizi ya UKIMWI kwani Wilaya hiyo kwa takwimu za mwaka 2016/17 maambukizi katika Wilaya hiyo yalikuwa asilimia 7 na kuonesha wasiwasi kuwa uenda kiwango kikawa kinaongezeka kwa takwimu mpya zinazotarajia kutolewa kwa siku za usoni.

Bw. Olesanare amezitaja sababu zinazochangia ugonjwa huo kuwa ni baadhi ya wasichana na wavulana kujiingiza katika mikesho ya majumba ya starehe, vigodoro pamoja na wazazi na walezi kusahau wa wajibu wao wa malezi kwa vijana kwani wamewapa uhuru wa kupitiliza lakini pia akiangazia mitandao ya kijamii kuwa nayo ni kichocheo cha maambukizi hayo. 

Askofu Mstaafu wa Jimbo la Morogoro Baba Askofu Telesphor Richard Mkude amewataka wananchi kote Nchini kuacha kumsingizia Mungu kuwa ndiye chanzo au sababu ya janga la UKIMWI akiutaja kuwa ni upungufu wa hayo na ni upungufu wa siha ambao haustahili kuwepo katika mwili wa mtu.

Aidha Askofu Mkude amehitaka jamii  kubadilika na kujielimisha kwa lengo la kuondoa ujinga na kuhamua nakudhamilia  kutenda daima  yaliyomema kwa Mungu na yaliyomema kwa wanadamu na tusisahau kuwa tumeumbwa kwa mfano wa Mungu na kwahiyo si wajinga wala masikini.

Kiongozi huyo wa Kanisa Katoliki Jimbo la Morogoro aliongeza kuwa sasa sio wakati wakulaumiana kuwa nani mkosefu na nani mwema bali ni wakati wa kila mmoja wetu kujitazama katika kioo na dhamira yake mbele ya Mungu na kujiuliza kama ni msafi na ameoga katika neema ya mwenyezi Mungu au amejisafisha kadili ya mafundisho ya Mwenezi Mungu na kujitathimini kama tuna tunayotenda ni mema mbele ya Mungu na mbele ya watu wengine. 

Aidha pamoja na maoni hayo kutoka kanisa Katoliki Katibu wa Umoja wa Makanisa ya Kikristu Mkoani Morogoro Mchungaji Canon Regnard Mdugi alitaja sababu ya vijana wengi kupata maambukizi ni kuwa ni tamaa ya kuiga pamoja na  baadhi ya vijana wa kike kwenda katika majumba ya starehe kwa lengo lakujipatia kipato.

Mchungaji Mdudi alitoa wito kwa viongozi wenzake Mkoani Morogoro kushirikiana na kupambana na maambukizi ya Ugonjwa wa UKIMWI Mkoani Morogoro na kukemea vitendo viovu ili kuwanusuru watu na janga hili kwa lengo la kulinda nguvu ya kanisa kuteketea na janga hili la UKIMWI.

Wakati huo huo Shekhe wa Mkoa wa Morogoro Shekhe Ahmad Khayrallah amewataka vijana wa Kiislam Nchini kuwa na subira na kuacha vitendo vya zinaa kabla ya ndoa ili waweze kuachana na tabia zozozte mbaya zitakazo watumbukiza katika machafu uku akiwaasa kusubiri kuoa au kuolewa. 

Shekhe Khayralla ameutaja utandawazi kuwa umewafanya vijana kuachana na mila na desturi na kujikuta wanasahau pia mafundisho ya dini lakini wengine bila kujua walijikuta wanaingia katika lindi la madawa ya kulevya na matokeo yake kupata maambukizi ya virusi vya UKIMWI.

Mkurugenzi Msaidizi Wizara ya Afya Idara Kuu Maendeleo ya Jamii Bw. Sebastian Kitiku  amesema kampeini ya Maambukizi ya Virusi vya UKIMWI kwa Vijana imeendelea kwa Wilaya za Kilombero, Malinyi, na Ulanga na imefanyika mashuleni na makundi mengine ya mitaani kwa kuwa maambukizi ya UKIMWI kwa hivi karibuni yamekuwa yakipanda