WAANDAAJI MBIO ZA BARABARANI 2020 WATAKIWA KUTUMA MAOMBI

SHIRIKISHO la Riadha Tanzania (RT), linapenda kuwataarifu wale wote wenye nia ya kuandaa matukio ya mbio za barabarani 2020, wawasilishe maombi yao kwa barua Ofisi za RT karibu na Uwanja wa Uhuru Temeke jijini Dar es Salaam.

Wandaaji wanaweza kuleta kwa mkono au kutuma kupitia barua pepe; tan@mf.worldathletics.org

Lengo la kufanya hivyo ili kusailiwa na hatimaye kuingizwa kwenye kalenda ya mwaka ya matukio ya mbio za barabarani ya RT.

Agizo hili linapaswa kutekelezwa kabla ya Februari 4 mwaka huu, zaidi ya hapo muhusika atakuwa amepoteza fursa ya kuingia kwenye kalenda.

Uamuzi huo, umefikiwa katika kikao cha pamoja kati ya Baraza la Michezo la Taifa (BMT), RT na Wawakilishi wa Waandaaji wa Mbio za Barabarani (AROs), kilichofanyika Ijumaa Janauri 24 jijini Dar es Salaam.

Kikao hicho kilikuwa na lengo la kupitia na kuandaa kanuni na taratibu za uendeshaji wa mbio za barabarani, ambako hatua nzuri imefikiwa na zinatarajiwa kutolewa na kuanza kutumika mapema mwezi ujao.

Kanuni hizo zitaboresha uandaaji na uendeshaji wa mbio za barabarani nchini, ambako hivi karibuni baadhi ya waandaaji wamekuwa wakiandaa bila kufuata taratibu, sheria na miongozo ya kiufundi.

Imetolewa na:

Tullo Chambo

Msemaji RT

0752 46 21 03

25/FEBRUARI/2020

DAR ES SALAAM.