KINONDONI YAZINDUA KAMPENI YA UHAMASISHAJI WA ULIPAJI KODI YA MAJENGO

 Mkuu Wa Wilaya ya Kinondoni, Daniel Chongolo, (kushoto) akioneshwa kitu juu ya ghorofa  na Meneja majengo na Mbunifu  majengo kutoka Wakala wa majengo (TBA) Benard Mayemba, kulia baada ya kufanya ziara ya ukaguzi wa majengo ya nyumba za makazi ya wakaazi wa magomeni Kota  Dar es Salaam, baada ya kufanya ziara hiyo.

NA FARAJA EZRA

MKUU wa Wilaya ya Kinondoni  Daniel Chongolo, amewataka wananchi wa magomeni kota kulipa kodi ya majengo  kwa wakati  ili kuepuka ulimbikizaji wa madeni.

Akizungumza na waandishi wa habari jijini humo wakati akizindua kampeni ya Uhamasishaji wa Ulipaji kodi pamoja na kukagua majengo hayo ambapo alisema kila mwananchi atakayetakiwa kuishi kwenye majengo hayo atatakiwa kulipa kodi mapema hadi  juni 30 mwaka huu.

Aidha  Chongolo alisema wananchi wengi wamekuwa wakilimbikiza kodi mwishowe hushindwa kulipa kutokana na ukubwa wa gharama hivyo ili kuepukana na adha hiyo watatakiwa kulipa  mapema.

"Tuache tabia ya kusubiri dakika za mwisho Kama ilivoyokea kwenye usajili wa laini za simu kwa alama za vidole, nawasihi wananchi wangu muanze kulipa sasa," alisema Chongolo. 

Alisema kwa  nyumba ya kawaida  lililopo kwenye kiwanja kimoja  mwananchi atatozwa shilingi 10,000/=lakini kwakila  sakafu  nyumba ya ghorofa moja ya ghorofa atatakiwa kulipa 50,000/=.

"Kampeni hii ya uhamasishaji imeanza hii leo na kilele chake  ni Juni 30 mwaka huu na kwamba ifikapo mwezi huo makusanyo yote yawe yamekamilika" alisema Chongolo.

Naye Meneja wa Mradi wa Ujenzi wa Makazi wa Magomeni Korter Act. Benard Mayemba, alisema  Ujenzi huo  unasimamiwa na Wakala wa Majengo Tanzania (TBA)  ambapo  imejengwa jumla majengo matano yenye ghorofa nane huku ikiwa na uwezo wa kuhifadhi wakazi zaidi ya 644.

 

Mayemba alieleza kuwa Ujenzi huo umefikia hatua nzuri ambayo kwa makadirio imefikia asilimia 69 na wanatarajia kukamilisha Ujenzi huo Aprili mwaka huu.

" Wakazi wa Magomeni wanasubiri kwa hamu ukamilishwaji wa Mradi huu ili wapate Makazi Bora na ya kudumu, hivyo serikali kwa kushirikiana na sisi tunafanya kila jitihada kuhakikisha wananchi wanapata huduma bora ya Makazi" alisema Act. Mayemba.

Mbali na hiyo Mradi huo umeleta manufaa makubwa kwa wakazi wa magomeni kwanza imetoa fursa mbalimbali  za ajira kwa vijana  lakini pia mamantilie.