Yanga wazuia Kibal cha kazii cha Morrison

Bernard Morrison.

 

NA ABDALLAH HIJA

 
Mabingwa wa Kihistoria wa Ligi Kuu Tanzania Bara (VPL), Yanga SC  imezuia kibali cha kazi cha Kiungo mshambuliaji  wa zamani wa timu hiyo aliyejiunga na wapinzani wao Simba Bernard Morrison wakidai kuwa ni mchezaji wao.

 
Hivi karibuni jiji lilizizima kufuatia sakata la mkataba wa Morrison na Yanga huku wanajangwani wakidai bado wanammiliki nyota huyo.

 
Wakati Kiungo huyo mshambuliaji akidai kuwa hana mkataba na Yanga hali iliyopelekea shauri lao kufika hadi kamati ya maadili na Hadhi za Wachezaji ya Shirikisho la Soka Tanzania (TFF) huku Morrison akiibuka mshindi kwenye sakata hilo akiwapiga bao Wanajangwani.

 
Lakini kutokana na hilo jana Yanga, wamepeleka rufaa kwenye Mahakama ya Michezo ya Kimataifa (CAS), huku wakizuia kibali cha kazi cha mchezaji huyo hadi pale kesi hiyo itakapoamuliwa.

 
Akizungumza jijini Dar es Salaam Ofisa Habari wa Yanga Hassan Bumbuli alisema, wamepokea barua kutoka kwa Ofisa wa Wizara ya kazi kuhusu kibali cha Morrison, wao wakamjibu bado ni mchezaji wao. 

 
“Tulipokea barua kwa Ofisa mmoja wa Wizara ya kazi  kuhusu kibali cha Morrison, sisi tulimjibu kwamba yule bado ni mchezaji wa Yanga na hata katika hukumu iliyotolewa  ilionyesha mkataba una mapungufu na hayawezi kufanya mkataba kuvunjika.

 
“Lakini kilichotushanagaza kwenye Wizara imekuwa na ‘interest’ na jambo hili hasa kwa Morrison, kwanini ofisa huyu ametetea suala hili kwa maneno makali kwamaba turejeshe kibali hicho” alihoji Bumbuli nba kuongeza:

 
Kwa hiyo tutarejesha kibali hicho hadi shauri likiwa limekamilika  na sio kutushinikiza  kwa sababu ambazo Ofisa amezitaka,  Morisson ni mchezaji wa Yanga bado tunaye sisi.