SHULE ya Kimataifa ya Dar es Salaam International Academy (DIA), inatarajiwa kuwa na tukio maalum la DIA Family fun day, 12 Juni ambapo vitu mbalimbali vitauzwa ikiwemo pia michezo ya Watoto.
Kwa mujibu wa Meneja Utawala na Rasilimali watu wa shule za DIA, Bi. Nilu Mahfoudh alisema kuwa mwaka huu ni msimu wa Nne ambapo kila mwaka ufanyika na kukutana na kufurahia pamoja.
"DIA family Day fun June 12, Jumamosi hii itafanyika ilipo shule yetu ya DIA eneo la Ada Estate, Mtaa wa Manara, watu wote pia wanakaribishwa hakuna kiingilio (free entry ) lakini huduma mbalimbali zitalipiwa ikiwemo michezo ya watoto. " alisema Nilu Mahfoudh.
Pua aliongeza kuwq, Wazazi na jamaa zao watajumuika pamoja na watu wote kwenye tukio hilo hivyo wameombwa kufika pia kupata huduma za bidhaa zitakazokuwa zinauzwa siku hiyo.
"Hii siku watoto watapata kufurahia siku nzima kwenye sehemu yao maalum ya michezo ya kisasa na furaha kedekede kwa kulipia Tsh. 5,000 tu.
Vitu vya masoko vitauzwa haswa vile vilivyotengenezwa na Wajasiliamali wetu wa ndani zaidi ya 35 (Crafts Markets) lakini pia kutakuwa na huduma ya uuzwaji wa vyakula wa nje maarufu wakiwemo Kaffe Koffe, Burger 53, Munchies, GoNuts4Donuts, Crafty Dees na wengine wengi." Alisema Nilu Mahfoudh.
Bi. Nilu Mahfoudh alisema shughuli itakuwa ni ya kipekee kabisa yenye kujitosheleza kwa wote watakaofika siku hiyo ya 12 Juni.
Dar es Salaam International Academy, Ada Estate, Manara St, Dar es Salaam
No comments:
Post a Comment