Kiba apagawisha kilele 'vibonzo'

 

Shabiki  akimkumbàtia Kiba   stejini.

 

Na Mwandishi Wetu, Dar es Saaam

MSANII wa Muziki wa Kizazi Kipya Ally Kiba ameibua shangwe na nderemo katika  kilele Cha onyesho la siku ya vibonzo lililoandaliwa na Clouds Media Groups linalofahamika kwa jina la clouds Mchongo.


Kilele cha onesho hilo kilifanyika kwenye uwanja wa michezo wa 'Business'uliopo Buza kwa Mama Kibonge.


Kiba aliibua shangwe hizo baada kupanda jukwaani na kuimba wimbo wake mpya wa 'Salute'.


Alipanda akiwa na kundi lake la madansa sambamba na  mdogo wake Abdul Kiba  na kuimba baadhi ya  nyimbo zake ikiwemo wimbo wake mpya unaofahamika kwa jina la 'Salute,Ndombolo ya solo.


Wakongwe wengine ni Chegge Chigunda kutoka TMK amekonga nyoyo za watu huku akifuatiwa na mkongwe wa dansi Muumin Mwinjuma ambaye aliimba wimbo wake 'Kwa Mpalange' ambao ndiyo anatamba nao hivi kwa hivi sasa.


Kundi la watangazaji wa Kipindi cha Leo Tena kinachorushwa na kituo hiko  kiliongoza jahazi la shughuli hiyo iliyodhaminiwa na DStv, majiko ya Moto Poa,Red Gold Tomato.


Aidha burudani zingine zilizojiri ni pamoja na  kinyang'anyiro cha kumpata  Miss Buza.