Waziri Dkt. Chamuriho azindua Bodi ya Wakurugenzi TASAC, aigiza kutatua changamoto za kiutendaji na kisheria

Hussein Ndubikile, Dar es Salaam

Waziri wa Ujenzi na Uchukuzi Dkt. Leonard Chamuriho amezindua Bodi ya Wakurugenzi ya Shirika la Uwakala wa Meli Tanzania (TASAC) na kuiagiza bodi hiyo kutatua haraka changamoto za kiutendaji zinazohusiana na majukumu ya kibiashara  ili kuwapatia wateja huduma bora na zenye gharama nafuu.

Akizindua bodi hiyo leo jijini Dar es Salaam Waziri Dkt Chamuriho amesema bodi iliyomaliza muda wake ilitekeleza majukumu yake ipasavyo na kwamba changamoto hiyo ipo hivyo bodi iliyoteuliwa inatakiwa kuitatua lengo likiwa kuwapatia wadau wake huduma bora.

" Naomba nitumie fursa hii kuiagiza bodi ya TASAC changamoto hii iwezekanavyo tunaamini iliyopita ilitekeleza majukumu lakini bado kuna malalamiko mkiitaua wateja watapata huduma bora na gharama rafiki, " amesema Waziri Dkt. Chamuriho.

Waziri huyo ameiagiza bodi ya wakurugenzi wa shirika hilo kutatua chanagamoto za kisheria kwa kushirikiana na wadau kisha kuwasilisha maoni wizarani  na kwamba zinazohusu Bunge zifikishwe kwa mujibu na tatratibu zilizopo.

Ameisisitiza bodi hiyo kuhakikisha inasimamia matumizi ya  rasilimali za umma kama ilivyoelekezwa na Rais Samia Suluhu Hassan  wakati akiwaapisha Makatibu Wakuu wa wizara hiyo Aprili 6 mwaka huu.

Ameikumbusha bodi hiyo kusimamia majukumu yake ipasavyo  kama ilivyoanishwa  kwenye sheria  iliyoanzishwa na TASAC ambayo ni kuisimamia menejimenti ya shirika hilo.

Katika hatua nyingine Waziri Dkt. Chamuriho ameisisitiza bodi na menejimenti ya TASAC  kuzingatia miongozo inayotolewa na Msajili wa Hazina, kujaza muundo wa utumishi na kuutekeleza, kutekeleza mikataba  ya utendaji wa msajili, mkurungenzi mkuu wa TASAC na Katibu Mkuu, kuandaa programu ya shughuli za bodi xza kila robo mwaka na kuzisimamia pamoja na kufuata sheria na kanunia bila upendeleo  kwa watoa hduma na wateja.

Katibu Mkuu wa Wizara hiyo (Uchukuzi) Gabriel Migire amesema mchakato wa uteuzi wa wajumbe wa bodi ya TASAC uliofanyika kwa umakini na kuitaka kutekeleza majukumu yake kulingana na mipaka yeake sio kuingilia ya menejimenti.

Kwa upande wake Mwenyekiti wa bodi hiyo Kapteni Mussa Mandia amesema watatekeleza maagizo yote yaliyotolewa kwa wakati ili kuhakikisha malengo yanafikiwa

Naye Mkurugenzi wa TASAC Kaimu Mkeyenge amewapongeza wajumbe wa bodi walioteuliwa na kuahidi kufanya kazi kwa ushirikiano kuhakikisha malengo yaliyowekwa na shirika yanafikiwa kwa masilahi ya taifa.

Wajumbe saba walioteuliwa ni Rukia Shamte, Said Nzori, Said Kiondo, Mhandisi Aron Kisala, Kapteni King Chiragi ,Cassian Ngamilo  pamoja  na Mwenyekiti Kapteni Mandia.