Serikali kuendelea kutoa mafunzo ufundi stadi kwa vijana kupambana na ukosefu wa ajira

 Mkurugenzi wa Taasisi ya Mulika Tanzania Bw. Hussein Melele akiwasilisha hoja wakati wa kikao cha vijana cha Kupitia na Kuthibitisha Rasimu ya Sera ya Taifa ya Maendeleo ya Vijana Jijini Da r es Salaam.

 

 

Na Hussein Ndubikile, Dar es Salaam

Serikali imesema itaendelea kutoa mafunzo ya ufundi kwa vijana nchi nzima ili kukabiliana na tatizo la ajira huku ikibainisha takwimu zinaonyesha mahitaji ya vijana inaongezeka siku hadi siku na kwamba asilimia 31.5% ya watu waliopo nchini ni vijana sawa na asilimia 57% ya nguvu ngazi ya taifa.

Hayo yamesemwa jijini Dar es Salaam na Ofisa Maendeleo ya Vijana Mkuu kutoka Ofisi ya Waziri Mkuu (Sera, Bunge, Kazi, Vijana, Ajira na Watu wenye Ulemavu Julius Tweneshe katika Kikao cha kujadili Rasimu ya  Taifa ya Maendeleo ya Vijana kilichofanyika Ukumbi wa Karimjee kikiwakutanisha vijana kutoka mikoa ya Dar es Salaam, Lindi, Mtwara, Pwani na Tanga.

Amesema kuwa Serikali ina dhamira kukabiliana na changamoto ya ajira hivyo mafunzo yanayoendelea kutolewa kwa  vijana yatawasaidia kuweza kujiajiri katika sekta mbalimbali

"Serikali katika kuhakikisha kundi hili linapewa kipaumbele kuweza kuchangia Uchumi wa nchi Serikali imeunda sera vijana ya Mwaka 1996 inayo wahiza vijana kujitolea" amaesema Tweneshe.

Amebainisha kuwa katika Marekebisho ya sera hiyo  iliyofanyika 2007 sera hiyo ililenga kutenga maeneo  maalumu  ya kiuchumi kwa vijana.

Amesisitiza kuwa kiwa katika kuhakikisha masuala ya vijana yanazingatiwa Serikali imetenga asilimia 10% kwa ajili ya mikopo kwa vijana kwa kila halmashauri ili kuwawezesha kujikwamua kiuchumi.

Ameongeza kuwa katika sera mwaka huu imelenga kutatua changamoto za kukuza ujuzi kwa ngazi kitaifa na kimataifa.

Kwa upande wake Mkurugenzi wa community Harb Foundation, Paul Makoe amesema rasmu ya awali ni tofauti na waka huu ambayo imeongezewa vipengele vya watu wenye ulemavu na ajira zimeanza kuwainua vijana.

Nae Kijana Tatu Sultan mwenye ulemavu wa ngozi amependekeza kuwa vijana wenye makundi maalum wapewe kipaumbele katika masuala mbalimbali yakiwemo masuala ya ajira ili kuondokana na vitendo vinavyashiria unyanyapaa kwa jamii inayowazunguka.