RASMI; SIMBA SC YAWATEMA KAGERE, MUGALU NA LWANGA

Uongozi wa Klabu ya Simba umefikia makubaliano ya kuvunja mkataba na wachezaji wake watatu, Medie Kagere, Chris Mugalu na Taddeo Lwanga.

"Baada ya mazungumzo na wachezaji hao hatimaye tumefikia makubaliano ya kuvunja mkataba kwa kuzingatia maslahi ya pande zote, na tunawatakia kila la kheri huko waendako", ilisema taarifa iliyotolewa na klabu hiyo.

Hata hivyo Meddie Kagere pamoja na Pascal Wawa wametambulishwa leo kwenye kikosi kipya cha Singida Big Star wakati wa kilele cha siku yao 'Singida Big Day" katika Uwanja wa CCM Liti mkoani Singida.

 

Singida Big Star walicheza mchezo wa kirafiki na Zanaco ya Zambia ambapo waliibuka na ushindi wa 1-0 bao lililofungwa na Deus Kaseke dakika ya 15.