Waandishi wa habari wapigwa msasa kuhusu chanjo ya Uviko 19

Afisa Afya Mkoa wa Dar es Salaam, Enezael Ayo, akitoa mada katika Mkutano kuhusu chanjo ya Uviko-19 kuhusu jukumu la vyombo vya habari katika kuelimisha jamii juu ya umuhimu wa chanjo hiyo. Mkutano uliandaliwa na Chama cha Waandishi wa Habari Mkoa wa Dar es Salaam (DCPC) na kufadhiliwa na taasisi ya kimataifa ya Internews.

Mkutano ukiendelea.

 Dk. Christina Mdingi akitoa mada kuhusu waandishi wa habari kuondosha dhana potofu juu ya chanjo ya Uviko-19.

Mwandishi mkongwe Yasin Sadiki akichangia mada.

Mjumbe Kamati ya Utendaji Jukwaa la Wahariri, Neville Meena akichangia mada.

 

Na Mwandishi Wetu, Dar es Salaam

 

Waandishi wa habari wametakiwa kuandika habari sahihi kuhusu chanjo ya Uviko-19 ili kuhakikisha jamii inapata taarifa sahihi kuhusu ugonjwa huo.

 

Afisa Afya wa Mkoa wa Dar es Salaam Enezael Ayo amesema kuwa alipokuwa anawasilisha mada kwenye semina ya siku moja kwa waandishi wa habari iliyoratibiwa na Shirika la Internews na Klabu ya Waandishi wa Habari Mkoa wa Dar es Salaam (DCPC).

Amewasihi waandishi wa Habari kuiondosha dhana potofu inayokwamisha zoezi la chanjo ya ugonjwa huo kwenye jamii.

Enezael amesema kuwa baadhi ya viongozi wa dini waliwahi kutoa taarifa zilizopotosha umma juu ya chanjo hiyo ilhali chanjo hiyo ni salama.

"Waandishi wa Habari mtusaidie kuondosha dhana potofu juu chanjo kwa sababu hakuna mtu yoyote aliyepata madhara tangu chanjo hizi zilivyozinduliwa na Rais Samia Suluhu Hassan" amesema Enezael.


Ameitaja changamoto nyingine watu kujisahau baada ya kuona kiwango cha maambukizi kushuka ambapo waliacha utaratibu wa kuchukua tahadhari ikiwa kuacha kunawa mikono , kujisafisha kwa kitakasa mikono, kuvaa barakoa,

Amesema kuwa tangu Tanzania kuingia kwenye hatua za kuchukua tahadhari za ugonjwa huo maradhi mengi yamupungua kama vile kipindupindu.

Amezitaja takwimu za watu waliochanja jijini Dar es Salaam ambapo tayari washachanjwa ni zaidi ya watu Milioni mbili sawa na asimilia  85 huku malengo yakiwa ni watu 3331079 .

Amesema kuwa wataalam wa Afya walishirikiana na watoa huduma ngazi ya jamii, wenyekiti wa serikali za mitaa kwa kufanya kazi ya kuhamasisha chanjo nyumba kwa nyumba pamoja na hamasa ya waandishi wa habari.

Naye Dk. Christina Mdingi mtaalam wa masuala ya afya ametoa msisitizo kwa waandishi wa habari kuwa mstari wa mbele ili kuhakikisha kuwa wananchi wanabaki salama.

"Tuwajengee  wananchi tabia ya kuamini na kutekeleza yale yanayohadharishwa na wataalam wetu wa afya"

"Wanahabari wakikosea sentensi moja tu jamii imekwisha jamii inawaamini sana kwa hiyo nyie watu muhimu kwenye hili" amesema Dk. Mdingi.

Nevile Meena mhariri na mwandishi wa habari wa siku nyingi  kwenye semina hiyo amewaeleza waandishi wa habari namna bora ya kuzikabili taarifa za upotoshaji .
Amesema kuwa changamoto kuwa kuhusu habari za chanjo ni uvumi, tetesi, nandhana potofu .
Amezitaja baadhi ya dhana zilizoenea ni pamoja na kuhusishwa chanjo na ugonjwa huo na biashara, watu waliochanjwa kugeuka mazombi, na chanjo zenye majina tofauti .

Meena amesema kuwa kuliibuka taarifa nyingi za upotoshaji juu ya chanjo ya Uviko 19 pale siku chanjo hizo zilipofika nchini.

"Kazi ya serikali inafanana na ile ya mzazi ya kuhakikisha watoto wake wapo salama  hivyo Rais hawezi kukubali wananchi wake wafe" amesema Meena.

Amesema kuwa waandishi wa habari wakifanya kazi zao vizuri wataondosha dhana potofu iliyojengwa kwa umma.