UZINDUZI WA ALBUM YA 9 YA MSANII WA MUZIKI WA INJILI TANZANIA "ROSE MUHANDO"

 

Katibu Mtendaji wa BASATA, Dkt. Kedmon Mapana alialikwa kuhudhuria Uzinduzi wa Album ya 9 ya Msanii Muziki wa Injili Tanzania, Rose Muhando uliofanyika jijini Dar Es Salaam.

Dkt.Mapana alitumia nafasi hiyo kuwaelezea Wasanii wote nchini wakiwemo Wasanii wa Muziki wa Injili namna Baraza la Sanaa la Taifa (BASATA) ambavyo limekuwa likifanya kazi na Wasanii,

Pia Dkt. Mapana alitambulisha fursa mbalimbali ambazo Serikali ya awamu ya Sita inayoongozwa na Rais wa Jamhuri ya Muungano wa Tanzania Mhe. Dkt. Samia Suluhu Hassan imekuwa ikitoa kwa Wasanii ikiwemo utoaji wa mikopo kwa Wasanii.

Aidha Katibu Mtendaji wa BASATA, Dkt. Kedmon Mapana aliwakumbusha Wasanii umuhimu wa kusajiliwa  BASATA kupitia Mfumo wa Wadau wa Sanaa (sanaa.go.tz)ili watambulike na mamlaka inayosimamia Sanaa nchini (BASATA) ili waweze kupata fursa mbalimbali lakini pia kupewa vibali vya uendeshaji wa kazi zao ndani na nje ya nchi yetu pendwa ya Tanzania.