TAARIFA KUHUSU UWEPO WA TAHARUKI KWENYE MTO MAENEO YA TUBUYU MOROGORO

Kwa kawaida Povu la maji katika maeneo ya mto husababishwa na kuwepo kwa kuoza kwa viumbe hai (Organic matters), kama vile mimea au mwani, ndani ya maji.

Wakati nyenzo hizi za kikaboni zinavunjika (Kuoza), hutoa “compounds” inayoitwa “surfactants” ambayo hupunguza mvutano wa maji.

Upungufu huu wa mvutano wa maji husababisha kuundwa kwa bubbles na povu. Hali hii hutokea zaidi katika maji ya chumvi (Bahari)

Zaidi ya hayo, mambo kama vile misukosuko, mtiririko mkubwa wa maji, na kuwepo kwa vichafuzi (Water pollution) vinaweza pia kuchangia kutokea kwa povu kubwa katika mto.

HALI ILIVYOKUWA NA ILIVYO MAJIRA YA JIONI.
Maeneo yaliyopata mkusanyiko mkubwa wa mapovu majira ya asubuhi ni: Tubuyu shule, Mfuruni, JKT nanenane, kituo cha mafuta cha ATN, Tungi makaravati, na maegesho na eneo la kuoshea magari jirani na chuo cha Jordan.

Mpaka kufikia majira ya ya Jioni hii; hali hiyo imepungua na kupotea katika baadhi ya maeneo isipokuwa maeneo yenye makoronga na mtiririko wa maji mengi.

MADHARA KWA BINADAMU NA MIFUGO

Mpaka sasa hakuna taarifa ya madhara kwa binadamu na mifugo iliyoripotiwa kutoka na uwepo wa mapovu hayo katika mto na vijito mbalimbali.

ANGALIZO
Kutoka na kutofahamika kwa chanzo halisi Cha mapovu haya, hatua mbalimbali zinapaswa kuchukuliwa na Wanachi pamoja na serikali zetu za mitaa katika maeneo yanayopitiwa na mto huu unaounganishwa na mto Ngerengere

Dalili zifuatazo zitaonekana kwa baadhi ya Wananchi ndani ya masaa 12, Endapo mtu atatumia maji ya kunywa ama kuoshea vyombo na matunda pamoja na matumizi ya samaki (kitoweo) kutoka katika mto na vijito vya mto husika

Dalili Kama;
1. Kuumwa Kichwa kuliko kawaida
2. Macho kuwa mekundu kuliko kawaida
3. Muwasho wa ngozi, koo, na pua (kufukuta)
4. Kujawa mate mdomoni kusiko kawaida
5. Kuumwa tumbo
6. Kichefuchefu
7. Kutapika
8. Kuharisha

Note: hali hii inaweza kuwa imesababishwa na umwagaji/utililishaji wa chemikali (detergent) katika mto.

Aidha, watu wenye magonjwa ya asthma, matatizo ya moyo pamoja upumuaji wanatazamiwa kukumbwa na madhara makubwa zaidi endapo watatumia vitu vilivyo kuwa contaminated

Naomba kuwasilisha

 Sgt Benjamin Bandula
Jeshi la Zimamoto na Uokoaji - MOROGORO