PEP GUARDIOLA AMTEMBELEA TITO VILANOVA HOSPITALINI

Kocha wa zamani wa FC Barcelona, Pep Guardiola akitoka nje ya Uwanja wa Ndege jijini humo, alipotua akitokea New York Marekani anakoishim kwa ajili ya kumjulia hali mrithi wa nafasi yake na aliyekuwa msaidizi wake Tito Vilanova aliyefanyia upasuaji wa Kansa ya Tezi.

BARCELONA, Hispania

KOCHA wa zamani wa FC Barcelona, Pep Guardiola juzi alilazimika kupanda ndege kutoka Marekani kurejea jijini hapa, kwa ajili ya kumjulia hali kocha wa sasa wa klabu hiyo na msaidizi wake wa zamani Tito Vilanova.

Guardiola aliyeamua kupumzika majukumu katika soka akiwa nchini Marekani, alifika hospitalini alikokuwa amelazwa Vilanova, kutokana na upasuaji wa tezi ugonjwa uliomuanza wakati akisaidiana naye na kufanyiwa upasuaji wa dharura Novemba mwaka jana.

Kocha huyo ambaye anawindwa na mmiliki wa Chelsea, Roman Abramovich kwa ajili ya kukionoa kikosi chake, ameamua kukaa pembeni ya soka hadi kiangazi kijacho ndipo anaweza kuamua kama akubali ofa ya kufanya kazi Stamford Bridge au la.

Upendo na ushirikiano wake na mshirika wake huyo wa zamani ukamfanya Guardiola akate tiketi ya ndege kutoka New York, anakoishi katika hekalu lake la kifahari kurejea hapa kumuona Vilanova, ambaye aliruhusiwa kutoka hospitalini Jumamosi usiku baada ya upasuaji wa kansa ya tezi.

Taarifa ya kuruhusiwa kwa Villanova ilitolewa na tovuti ya klabu hiyo, wakati ujio wa Guardiola ulishuhudiwa na wanahabari wengi akitua Uwanja wa Ndege na kisha kupanda gari maalum kwenda hospitali, muda mfupi kabla ya kuruhusiwa.

Tovuti ya Barcelona ilisomeka: 'Kutokana na maendeleo mazuri baada ya upasuaji, Tito Vilanova ameruhusiwa rasmi kutoka hospitalini Jumamosi jioni. Upasuaji wa kocha huyu wa klabu yetu, ulienda vema siku ya Alhamisi na kutakiwa kubaki hospitali kwa siku tatu.'

Wakati Guardiola akija kumjulia hali Vilanova aliyeruhusiwa kutoka hospitalini, wachezaji wwa Barcelona walionesha kumuunga mkono na kumtakia heri kocha wao kwa kuvaa fualana maalum zenye ujumbe wa heri wakati wakipasha misuli kwa pambano la Liga dhidi ya Valladolid Jumamosi usiku.

Katika mechi hiyo, Barcelona iliibuka kidedea kwa ushindi wa mabao 3-1, huku nyota wake Lionel Messi akifunga moja na kumfanya amalize afikishea mabao 91 aliyofunga kwa kalenda ya mwaka 2012, sita juu ya yaliyofungwa na Gerd Muller miaka 40 iliyopita.

Beki Mbrazil wa klabu hiyo, Dani Alves aliutangaza ushindi huo kuwa ni maalum kwa Vilanova akisema: 'Ushindi huu ni wa Tito. Ilitushtua na sasa imetufurahisha kuona kwamba amerejea nyumbani kutoka hospitali. Tulikuwa hapa kumsapoti yeye kwa kila njia tunayoweza.'

Guardiola alifanya kazi kwa mafanikio yalityotukuka kwa kipindi cha miaka mine akiwa na Barcelona, kabla ya kuachana na jukumu hilo, huku Vilanova akijaza nafasi yake klabuni Nou Camp.