‘Roma Mkatoliki’ atambulisha ‘2030'

 Na Elizabeth John

MKALI wa Hip Hop Tanzania, Ibrahim Mussa ‘Roma Mkatoliki’ juzi alitambulisha ngoma yake mpya inayokwenda kwa jina la 2030.

Roma alifanya vizuri na kibao chake cha Mathematics ambacho alikiachia tungu mwaka jana na kinafanya vizuri hadi sasa katika vituo mbalimbali vya redio na runinga.

Akizungumzia kazi hiyo, Roma alisema ndani yake ameelezea mambo mengi ambayo inaigusa jamii na kuwataka wapenzi wa hip hop nchini kuisikiliza kazi hiyo ambayo anaamini ina ujumbe mzito.

“Tangu nilipoachia kazi yangu ya Mathematics umepita mwaka mmoja na miezi kama saba, kiukweli nimejipanga vya kutosha, kazi hii ni nzuri na nipo katika maandalizi ya kufanya video ili kukamilisha radha kwa mashabiki wangu,” alisema Roma.

Mbali ya kibao hicho Roma lishawahi kutamba na vibao vyake kama Piga Magoti tusali, Tanzania na nyinginezo ambazo zilimpa sifa na kumfanya achukue tuzo tatu za Kilimanjaro Music Awards mwaka huu.