Twanga kufunga mwaka Leaders Club

 Na Elizabeth John

BENDI ya African Stars ‘Twanga Pepeta’ leo inafanya onesho kubwa la kufunga mwaka katika viwanja vya Leades Club, jijini Dar es Salaam, likalosindikizwa na Msondo Ngoma na vikundi sita vya burudani sanjari na bonanza kubwa la soka.

Kwa mujibu wa Meneja wa bendi hiyo, Hassani Rehani alisema watatumia onesho hilo kutambulisha baadhi ya nyimbo zao zitakazokuwemo katika albamu yao mpya itayozinduliwa mwakani baada ya kukamilika.

Rehani alisema baadhi ya nyimbo zitakazotambulishwa ni pamoja na Nyumbani ni Nyumbani, Ngumu Kumeza na Walimwengu huku wasanii kama Ummy Wenceslaus ‘Dokii’, Haji Ramadhani, kundi la ngoma za Asili linaloitwa

Hisia na wengine watashiriki.

Onesho hilo litaambatana na bonanza kubwa la michezo kwa timu mbalimbali za soka kuchuana kwenye Uwanja wa Leaders huku timu ya chama cha waandishi wa Habari za Michezo Tanzania (TASWA) ikicheza na Leaders Club, mechi itakayopigwa kuanzia saa nne asubuhi.

Rehani alisema maandalizi ya bonanza na onesho hilo yamekamilika na anaamini kuwa kuwa litakuwa na utofauti mkubwa na yaliyokwisha kufanya kutokana na kujipanga vema kutoa burudani ya uhakika katika kuuaga mwaka wa 2012 na kuukaribisha 2013.

Alibanisha kuwa kutokana na maandalizi ya kutosha walioyafanya anawaomba mashabiki kujitokeza kwa wingi katika onesho hilo kabambe litakaloanza na michezo kwa upande wa mpira wa miguu.

Alifafanua kuwa baada ya onesho hilo wataingia studio kukamilisha wimbo mwingine unaoitwa Mwendapole ambao ulisuasua kurekodiwa kutokana na mtozi kutoka Sophia record kuwa majukumu mengi ambayo yalifanya kushindikana kurekodiwa kwa wakati.