Madee amsaka aliyemwaga pombe yake

Na Elizabeth John

KIONGOZI wa Kundi la Tip Top Connection lenye maskani yake Manzese jijini Dar es Salaam, Ahmad Rashid ‘Madee’ ameachia ngoma yake mpya inayokwenda kwa jina la ‘Nani kamwaga pombe yangu’.

Madee alishawahi kutamba na kibao chake cha ‘Pesa’ ambacho kilifanya vizuri zaidi mbali na kuwa na vibao vingi ambavyo vilimtambulisha na kufanya vizuri katika tasnia ya muziki huo.

Madee alisema kazi hiyo kaisambaza juzi katika vituo mbalimbali vya redio ikiwa kwasasa anajipanga kuachia video ya kazi hiyo.

“Namshukuru mungu mashabiki wa kazi zangu wananipokea vizuri katika kazi zangu, naomba waendelee kunipa sapoti kwani kuna vitu vingi ambavyo amewaandalia,” alisema Madee.

Alisema wiki hii atakua katika mchakato mzima wa kushuti video ya kazi hiyo ambayo anaamini itafanya vizuri kutokan ana ujumbe uliopo ndani yake.