Inspector Haroun, Juma Nature kupamba ‘Fulani’ ya Rich One

Na Elizabeth John

BAADA ya kukaa kimya kwa muda mrefu, Msanii wa muziki wa kizazi kipya nchini, Richard Shauri ‘Rich One’ anajipanga kuachia ngoma yake mpya inayokwenda kwa jina la ‘Fulani’ ambayo ameitengeneza kwa miondoko ya lumba.

Akizungumza jijini Dar es Salaam, Rich One alisema katika kazi hiyo ameshirikiana vema na wakali wa muziki huo, Inspector Haroun na Juma Nature.

Rich One aliwataka mashabiki wake wakae mkao wa kula kwaajiloi ya kukipokea kibao hicho ambacho anaamini kitafanya vizuri kutokana na ujumbe uliopo ndani yake.

“Namshukuru mungu kazi hii nimemaliza salama kwa ushirikiano wa wakali hao ambao naamini wataipamba vizuri kazi hii, naomba wapenzi wa bongo fleva wasikae mbali na mimi,” alisema Rich one.

Alisema kwasasa amejipanga kufanya vizuri katika soko hilo na amerudi kivingine kwaajili ya kuwapa burudani mashabiki wake ambapo anasema anakuja na staili tofauti na zile ambazo walizizoea.

Msanii huyo alisema kazi hiyo kaifanya katika studio maarufu ya Halisi rekodi iliyopo katika ya jiji la Dar es Salaam.