Exim Bank FC yawalipua KCB 4-3

Kikosi cha timu ya Benki ya Exim kikiwa katika picha ya pamoja kabla ya mchezo wa kirafiki dhidi ya Benki ya KCB uliofanyika kwenye Uwanja wa Don Bosco jijini Dar es Salaam juzi. Exim ilishinda kwa mabao 4-3. (Na Mpiga Picha Wetu)

Na Francis Dande

TIMU ya soka ya Benki ya Exim (Innovation FC) imezidi kudhihirisha umahiri wake dimbani baada ya juzi kushinda mabao 4-3 dhidi ya KCB FC katika mechi ya kirafiki iliyochezwa kwenye viwanja vya Don Bosco, jijini Dar es Salaam.

Ikicheza soka maridadi, hadi mapumziko vijana wa Exim FC walikuwa mbele kwa mabao mawili yakiwekwa wavuni na Ally Sumar dakika ya 15 kabla ya Norbert Misana kufunga la pili dakika ya 41.

Katika kip;indi hicho cha kwanza, licha ya KCB FC kuonesha kiwango cha kuvutia, lakini walishindwa kupata bao kutokana na mbinu kali za ukuta wa wapinzani wao.

Kipindi cha pili kilianza kwa KCB FC kucheza kwa juhudi kubwa na kufanikiwa kusawazisha mabao hayo katika dakika za 50 na 60, yote yakifungwa na nyota wake hatari,  Raymond Bunyinyig.

Hata hivyo, dakika ya 64, Exim FC walirejea mchezoni na kupata bao la tatu likifungwa na

Stephen Kimei, lakini KCB FC nao walizinduka na kusawazisha bao mhilo dakika ya 76.

Matokeo hayo yakaongeza kasi ya mchezo kwa kila timu kusaka bao la ushindi na katika dakika ya 85, ndipo Exim FC walipata bao la nne, likifungwa na

Lusajo Adam.

Akizungumza baada ya mechi hiyo, naodha wa Exim FC, Fadhili Seleman aliwapongeza wachezaji wa timu hiyo na kusema ushindi huo ulitokana na juhudi za kila mchezaji dimbani.

Alisema ufanisi wa timu hiyo ni kutokana na sapoti wanayopata kwa uongozi wa benki hiyo kwa kutambua umhimu wa michezo katika maisha ya

kila siku.

Fadhili ameongeza kuwa kwa mazingira hayo, anaamini timu hiyo itaendelea kufanya vizuri dhidi ya timu nyingine zinazomilikiwa na benki hapa nchini.