KFC WAFUNGUWA MGAHAWA MPYA, WA KISASA MIKOCHENI DAR

 Mkurugenzi Mkuu wa Kuku Foods (Kampuni tanzu ya KFC), Nic Melt-Bey akizungumza na waandishi wa habari jijini Dar es Salaam leo wakati wa uzinduzi wa tawi la Mikocheni jirani na shule ya FEZA.

 Mwanachama wa Kuku Foods, Faraja Kihongole akifafanua jambo wakati wa uzinduzi wa tawi jipya la Kampuni tanzu ya KFC jijini Dar es Salaam leo. 

Wanachama wa Kuku Foods wakiimba wakisherehekea uzinduzi huo kwa kuimba nyimbo.

 Mhariri wa Habari Mseto Blog, Salum Mkandemba akipata msosi wakati wa uzinduzi huo.

 Faraja Kihongole na Jackline

 Wanachama wa KFC

Na Mwandishi Wetu

KAMPUNI ya KFC inayojihusisha na uuzaji wa vyakula (migahawa) katika mataifa mbalimbali duniani, leo imefungua tawi jipya Mikocheni, jijini Dar es Salaam, huku ikiwa katika harakati za mwisho za kufungua tawi la pili Septemba mwaka huu.

Akizungumza katika uzinduzi huo, Mkurugenzi Mkuu wa Kuku Foods (Kampuni tanzu ya KFC), Nic Melt-Bey, alisema, KFC inayofuraha kuiunganisha Tanzania na mataifa mengine ya Afrika na Dunia, katika kupewa huduma bora na za kisasa za vyakula.

Alisema kuwa, mchakato uliowezesha ufunguzi wa tawi jipya la Mikocheni, umedumu kwa muda wa miaka mitatu, ukifanyia tathmini masuala mbalimbali, ikiwamo mafunzo kwa wahudumu, ili kuwaboreshea uwezo katika kuhudumia sekta ya vyakula.

“KFC inasubiri kwa hamu kuona namna Watanzania watakavyotumia fursa ya uwapo wa matawi yetu nchini, katika kujipatia huduma bora, za kisasa na za haraka. Furaha yetu pia ni kuanza kuhudumia soko la Tanzania, ikihusisha vyakula vya ndani na nje ya nchi,” alisema Melt-Bey.

Alisema kuwa, KFC imejikita katika utoaji wa huduma za vyakula duniani kote na ina migahawa zaidi ya 17,000 na kwamba Septemba mwaka huu itafungua tawi la pili jijini Dar es Salaam, katika jengo la Diamond Plaza.

Kwa upande wake, Mkurugenzi wa Biashara wa Kuku Foods, Simon Schaffer, aliwahakikishia wakazi wa Dar es Salaam kuwa, zama zao za kupata huduma bora za vyakula kama zitolewazo katika migahawa mingine ya KFC duniani kote, zimewadia.