SVG YATIMIZA MWAKA MMOJA

 Watoto pia walishiriki kwenye zoezi la upandaji miti.

 Zoezi la upandaji miti  liliendeshwa mitaa mbalimbali ya Kilimahewa.

 Wakazi wa Kilimahewa  wakichangamkia zoezi la kupanda miti.

Wana SVG wakijiandaa na zoezi la upandaji miti 1,500.

SVG  yatimiza mwaka mmoja yapanda miti zaidi ya 1,500.

Salasala Vision Group (SVG), ni kikundi cha wakazi wa salasala Kilimahewa wapenda maendeleo kichoanzishwa mwaka 2012.  SVG ilianzishwa ikiwa na malengo ya kuleta maendeleo ya kijamii, kiuchumi, kiutamaduni na ulinzi kwa maeneo ya Salasala Kilimahewa.

Tangu SVG ilipoanzishwa mwaka jana, kundi hili limeweza kutekeleza mambo mengi katika mwaka mmoja; Kuanzisha ulinzi shirikishi katika maeneo ya Salasala kilimahewa, Kutengeneza uwanja wa michezo, kuchangia mavazi rasmi ya waendesha bodaboda, Kuanza kutoa mikopo kwa wanachama wa SVG,  Kuendeleza mahusiano na makundi mengine yenye malengo yanayoshabihiana na SVG.

Katika kuazimisha mwaka mmoja, wanachama wa SVG wamepanda miti zaidi ya 1,500 katika maeneo yanayozunguka salasala kilimahewa. Zoezi hili endelevu linatarajiwa kuendelea mwezi wote wa Mei na kufikia zaidi ya miti 2,000 kupandwa.