TANESCO YAZINDUA KITUO CHA UMEME KISUTU JIJINI DAR ES SALAAM

WAZIRI wa Nishati na Madini, Prof. Sospeter Muhongo akikata utepe wakati wa uzinduzi wa Kituo cha Umeme cha Kisutu Jijini Dar es Salaam leo. Kushoto ni Waziri wa Mambo ya Ulaya na Biashara ya Nje, Dk Alexander Stubb.

Na Mwamdishi Wetu

WAZIRI wa Nishati na Madini Profesa Sospeter Muhongo amesema kuwa kunahitajika uwekezaji endelelevu katika sekta ya nishati na sio kutegemea kuendelea kukopeshwa.

Muhongo alisema wakati uzinduzi wa Kituo cha Umeme cha Kisutu Jijini Dar es Salaam ,alisema kuwa kuwekeza katika miradi ya umeme kunaweza kuondokana na misaada na kuingia katika biashara makini .

Ujenzi wa Kituo hicho unatokana na Serikali ya Finland kutoa msaada wa Bil.60 kwa ajili ya ujezi wa huo ambao utakuwa ni wa kisasa kwa kuwaondolea usumbufu wafanyakazi wa Tanesco kwenda  kutafuta sehemu yenye matatizo.

Muhongo alisema kuwa tangu mwaka 1961 bado Tanzania ni masikini na ambapo sasa ni wakati wa kuwekeza katika miradi ambayo itatuondoa katika kutegemea misaada.

Alisema mradi huo ni miaka mwili utasaidia kuondokana na matatizo ya umeme katika maeneo ya mjini baada mradi kukamilika .

Waziri wa Finland wa  Mambo ya Nje ya Ulaya na Biashara Elexander Stubb alisema kuwa msaada huo ni kutokana na ushirikiano mzuri baina nay a Finland na Tanzania.

Alisema kuwa wataendelea katika kusaidia katika nyanja mbalimbali ili kuweza kupiga hatua ya kimaendeleo.