JOA KASSIM AGEUKIA TASNIA YA FILAMU

Na Elizabeth John

MWANADADA anayeng’ara katika tasnia ya muziki wa taarabu, Joah Kassim kutoka kundi la T-Moto amesema amegeukia tasnia ya filamu ili kuonesha kipaji chake kwa mashabiki.

Akizungumza jijini Dar es Salaam, Joah alisema ameamua kufanya hivyo ili kuonesha kipaji chake na kwamba yeye ni msanii anajua nini anachokifanya katika fani hizo ambazo anauhakika anafanya vitu ambavyo vinapendwa na jamii.

“Mimi kama msanii anatakiwa kuonesha kipaji changu, filamu hii ni ya kwanza kucheza, nimecheza na mhogo mchungu, najua wasanii wa filamu wakiiona hii watanitafuta kutaka nicheze filamu zao, nina uhakika na nilichokifanya ndani yake,” alisema.

Joah aliwataka wapenzi wa filamu nchini, kumpokea vizuri katika tasnia hiyo pamoja na kumpa sapoti katika kazi zake.

Kundi la T-Moto Taarabu kwasasa wanatamba na kibao chao cha ‘Domo la Udaku’ ambacho kinafanya vizuri katika tasnia ya muziki huo na pia wanajiandaa kukamilisha kazi yao mpya inayojulikana kwa jina la ‘Kuna mungu sio miungu’.